La classica

La classica porta ovras popularas che stgaudan adina puspè cor ed olma.En sia seria cun hits porta «La classica» questa giada cumposiziuns da: Carl Maria von Weber, Johann Peter Salomon, Jacques Offenbach, Wolfgang Amadeus Mozart, Felix Mendelssohn-Bartholdy, Tommaso Giordani, Bedrich Smetana, Johannes Brahms, Piotr Ilitsch Tschaikowsky e Gioacchino Rossini.Redacziun: Giusep G. Decurtins

La classica porta ovras popularas che stgaudan adina puspè cor ed olma.En sia seria cun hits porta la classica questa giada cumposiziuns da: Franz Schubert, Emil Waldteufel, Franz von Suppé, Johannes Brahms. Hans May, Joseph Haydn, Ludwig van Beethoven, Gioacchino Rossini, Antonin Dvoark, Piotr Ilitsch Tschaikowsky, Francesco Paolo Tosti ed Edward Elgar.Redacziun: Giusep G. Decurtins

Beethoven cun Oliver Schnyder ed il Zürcher Kammerorchester ZKO.A partir dad uss maina «La classica» vus ina giada il mais insanua en Svizra en ina sala da concert, là nua che la SSR SRG ha gì ses microfons.L'emprima staziun: Turitg, Tonhalle. Sin il program musica da Ludwig van Beethoven: Il Concert da clavazin Nr. 5 Es-Dur op.73 e la Sinfonia Nr. 3 Es-Dur op. 55 «Eroica». Nus purtain il concert da clavazin cun ses trais moviments e l'emprim moviment da la sinfonia. Ils interprets: Oliver Schnyder, pianist svizzer ed il Zürcher Kammerorchester cun il dirigent Sir Roger Norrington. Ina registraziun dals 26-01-2016.Redacziun: Giusep G. Decurtins

Clara Wieck è stada la pli famusa virtuosa da clavazin da ses temp, enconuschenta en l'entira Europa, in vair «star». E quai gia sco uffant da diesch onns! Il bab, Friedrich Wieck era sez scolast da musica. Da quai temp ha lez dà dimora ad in da ses scolars da clavazin – Robert Schumann ch'era nov onns pli vegl che Clara. In pianist baingea talentà, ma da lez temp strusch enconuschent. Pli tard èn Clara e Robert s'inamurads ed han vulì maridar, ma quai ha chaschunà gronds conflicts cun il bab. L‘ami Robert Schumann era daventà in rival: il bab temeva per la carriera da la pianista, temeva dentant era da perder la rolla sco impressario dad ella. En «La classica» udis vus dapli da la via crappusa che Clara e Robert Schumann han gì dad ir, lur chanzuns d'amur e lur musica da clavazin.Redacziun: Rosvita Barenius

Il grond chor viril da l'Universitad dad Uppsala en Svezia: in entir orchester da vuschs.Orphei Drängar – quest num stat per chant da bellezza! Il chor viril è vegnì fundà il 1853 a l'Universitad dad Uppsala en Svezia. Per numnar mo dus dals gronds dirigents: Hugo Alfvén, il cumponist, ed Eric Ericson, dirigent e pedagog da chors legendar.Il chor Orphei Drängar è adina en moviment e va dad in extrem en l'auter. Ils passa 70 umens vegnan adina puspè da spustar ils cunfins da quai ch'in chor viril astga far e sa far. Nus deditgain «La classica» ad els.Redacziun: Rosvita Barenius

Il cumponist ch'ha dà in linguatg nov a l'orchester e ch'ha uschia fullà via per cumponists sco Bruckner, Mahler u Strauss.Richard Wagner n'è betg mo stà in scheni pervia da la construcziun dramatica da sias ovras. El è stà il cumponist ch'ha dà a l'orchester ina rolla dal tuttafatg nova: el ha laschà sa sviluppar il linguatg da l'orchster, ha prendì davent da l'orchester la funcziun da «mo accumpagnar» e da dar il fundament als chantadurs. Cun Wagner ha l'orchester survegnì ina nova pusiziun – ina exponida. Vus udis uverturas e parts da sias operas ed ovras d'art: «Tannhäuser», «Meistersinger» e «Götterdämmerung».Redacziun: Rosvita Barenius