Fækka á framkvæmdastjórum og sviðum innan Landspítalans til að mæta miklum rekstrarhalla. Forstjóri Landspítalans þorir ekki að segja til um mögulegar uppsagnir.

Vegagerðin styður hugmyndir um þrenn ný jarðgöng á Austurlandi, sem áætlað er að kosti 64 milljarða. Þetta segir forstjóri Vegagerðarinnar.

Nefnd um mótun flugstefnu telur litla ástæðu til að flokka aðra flugvelli en Keflavíkurflugvöll sem millilandaflugvelli. Nefndarmenn eru allir á höfuðborgarsvæðinu.

Það væri hægt að minnka sótspor steypu í íslenskum byggingariðnaði um allt að 70%. Þetta segir forstöðumaður Rannóknarstofu byggingariðnaðarins. Arnhildur Hálfdánardóttir ræddi málið við steypusérfræðinga.

Sérfræðingar eru sammála um að vextir muni halda áfram að lækka. Þeir hafa að undanförnu lækkað nokkuð hratt í nágrannalöndum okkar. Arnar Páll Hauksson ræddi við forstöðumann greiningardeildar Arion banka og framkvæmdastjóra lífeyrissjóðanna EFÍA og LSBÍ.