ទោះ​បី​ជា​បញ្ហា​សិទ្ធិ​មនុស្ស​ និង​ប្រជាធិបតេយ្យ​មិន​មែន​ជា​របៀបវារៈ​នៃ​កិច្ច​ប្រជុំ​កំពូល​អាស៊ាន​នៅ​ចុង​សប្តាហ៍​ក្រោយ​ក៏ដោយ ​តែ​សង្គម​ស៊ីវិល​អាស៊ាន​ជឿ​ថា​ រដ្ឋាភិបាល​អាស៊ាន​ នឹង​ទទួល​ដឹង​នូវ​អ្វី​ដែល​ជា​ការ​ព្រួយ​បារម្ភ​របស់​ប្រជាពលរដ្ឋ​ខ្លួន​ឯង​។​ បញ្ហា​ចំពោះ​មុខ​ដែល​ពលរដ្ឋ​អាស៊ាន​ចង់​បាន​ដំណោះ​ស្រាយ​នៅ​ពេល​កិច្ច​ប្រជុំ​ខាង​មុខ​ គឺ​ការ​ធានា​លំហ​ពលរដ្ឋ​ ប្រជាធិបតេយ្យ ​និង​សិទ្ធិ​មនុស្ស​របស់​ប្រជាពលរដ្ឋ​អាស៊ី​អាគ្នេយ៍​ ដើម្បី​សមធម៌​ និង​យុត្តិធម៌​សង្គម​។​ កង្វល់​នេះ​ត្រូវ​បាន​លើក​ឡើង​នៅ​ក្នុង​សន្និសិទ​សង្គម​ស៊ីវិល​អាស៊ាន​ដែល​បិទ​បញ្ចប់​នៅ​ល្ងាច​នេះ​។​