ពិភពលោកបច្ចុប្បន្ន កំពុង​ធ្លាក់​ក្នុង​ទសវត្សរ៍​ដ៏​គ្រោះ​ថ្នាក់​បំផុត មិនធ្លាប់​មាន​ទេ​គិត​ចាប់​តាំងពី​សង្គ្រាម​លោក​ទីពីរ​បិទ​បញ្ចប់​មក។ នេះ​ជា​ពាក្យ​ព្រមាន​ថ្មី​របស់​លោក​ពូទីន នា​ឱកាស​ថ្លែង​សុន្ទរកថា​ទៅ​កាន់​ក្លឹបពិភាក្សា​​អន្តរជាតិ​នៅ​ទីក្រុង​មូស្គូ នា​ថ្ងៃទី ២៧​តុលា២០២២។ ប្រធានាធិបតី​រុស្ស៊ី បានទម្លាក់​កំហុស​​លើ​ក្រុមបស្ចិមលោកជា​ថ្មីទៀត ដោយ​​ចោទ​សហរដ្ឋ​អាមេរិក​និង​សម្ព័ន្ធមិត្ត​ថា កំពុង​លេង​ល្បែង​ភូមិសាស្ត្រ​នយោបាយដ៏​​ខ្មៅកខ្វក់ និង​គ្រោះថ្នាក់ ប៉ុន្តែមិន​ថ្វី​ឡើយ​ព្រោះ​បើ​តាម​លោក​ពូទីន ​យូរឬ​ឆាប់ ក្រុម​លោក​ខាង​លិច​គង់​នឹង​មកចរចា​ជាមួយ​រុស្ស៊ី​​ទេ។