សង្គ្រាម​នៅអ៊ុយក្រែន​ នៅតែបន្តយ៉ាងស្វិតស្វាញ ដោយ​កងទ័ពរុស្ស៊ី កំពុងតែបន្ថែមការប្រឹងប្រែង ដើម្បីវាយ​ដណ្តើមយករដ្ឋធានីកៀវ និងទីក្រុងកំពង់ផែនៅភាគខាងអាគេ្នយ៍ ឈ្មោះ ម៉ារីយូប៉ូល។ លោកពូទីន ប្រធានាធិបតីរុស្ស៊ី បាន​ថ្លែងពាក្យ​គំរាម ជាបន្តបន្ទាប់ ដោយបានអះអាងថា ទណ្ឌកម្មសេដ្ឋកិច្ចដែលក្រុមប្រទេសលោកខាងលិចបានដាក់មកលើរុស្ស៊ី គឺជាមិនខុសអីពីការប្រកាសសង្គ្រាម​មកលើរុស្ស៊ីនោះទេ។ ហើយ​នៅថ្ងៃអាទិត្យ​នេះ លោកពូទីន បានគំរាមថា អ៊ុយក្រែនអាចនឹងបាត់បង់លក្ខន្តិកៈជារដ្ឋឯករាជ្យ ប្រសិន​បើអ៊ុយក្រែននៅតែប្រើគោលនយោបាយ​ រឹងរូសជាមួយរុស្ស៊ីតទៅទៀត។