លោកពូទីន បានប្រកាសកាលពីល្ងាចថ្ងៃទី​៥មករា​ ថាកងទ័ព​រុស្ស៊ីនៅសមរភូមិអ៊ុយក្រែន នឹងត្រូវ​ឈប់បាញ់​បណ្តោះ​អាសន្ន​រយៈពេល​៣៦ម៉ោង ក្នុង​ឱកាសបុណ្យណូអែល តាម​ប្រពៃណីសាសនា​កាតូលីក​​​អកតូដុក្ស។ លោកពូទីន​បានអំពាវនាវ ឲ្យ​ភាគីអ៊ុយក្រែន​ត្រូវតែធ្វើតាមដែរ។​ តែយ៉ាងណា ទន្ទឹមគ្នានេះ ក្រុមប្រទេសសម្ព័ន្ធមិត្តលោក​ខាងលិច មិនត្រឹមតែមិនជឿចំពោះ​បទឈប់បាញ់​បណ្តោះអាសន្នរបស់រុស្ស៊ីនេះទេ តែថែមទាំងបាន​ប្រកាសផ្តល់ជំនួយគ្រឿងសព្វាវុធបន្ថែមទៀត ទៅឲ្យ​អ៊ុយក្រែន​ដើម្បីប្រយុទ្ធយកឈ្នះរុស្ស៊ី​។