នៅក្នុង​ដំណាក់កាល​នៃការ​ធ្វើទំនើបកម្ម​មូលដ្ឋាន​កងទ័ព​ជើងទឹក​សមុទ្ររាម​ក្នុងខេត្ត​ព្រះសីហនុ ​សហរដ្ឋអាមេរិក​កាលពីពេលថ្មីៗ​នេះ ​បានចេញ​ផ្សាយ​ដោយចោទ​ប្រកាន់​ថា​សកម្មភាព​បូមខ្សាច់​ ដើម្បី​ឲ្យ​មាន​ជម្រៅទឹក​ជ្រៅ​ ងាយស្រួល​ដល់នាវាធំៗ​ចូលចត​ គឺជា​កិច្ច​ព្រមព្រៀង​រវាង​កម្ពុជា​ និងចិន​ ដែល​អនុញ្ញាត​ឲ្យនាវាយោធា​ចិន​ចូលចត។​ ពាក់ព័ន្ធ​ទៅនឹង​ការលើកឡើង​របស់​អាមេរិក​ដូច្នេះ ​លោកឧបនាយករដ្ឋមន្ត្រី ​ទៀ បាញ់​ រដ្ឋមន្ត្រី​ក្រសួង​ការពារជាតិ​បាន​បញ្ជាក់ថា​ កម្ពុជា​ចាំបាច់​ត្រូវតែ​ធ្វើទំនើបកម្ម​ហេដ្ឋារចនាសម្ព័ន្ធ​កំពង់​ផែរាម​ ដើម្បី​អនុញ្ញាត​ឲ្យនាវាធំៗ​អាចចូល​ចត​បាន​ មិន​ចំពោះ​តែនាវា​របស់​ចិនមួយ​ទេ។​