ការបោះឆ្នោតប្រធានាធិបតី​នៅ​ប្រទេសស៊ីលី បាន​បិទបញ្ចប់ទៅ កាលពីថ្ងៃអាទិត្យទី១៩ធ្នូ ដោយ​បាន​ប្រគល់ជ័យជំនះទៅ​ឲ្យ​លោក ហ្កាប្រ៊ីយែល បូរីក (Gabriel Boric) អ្នកនយោបាយ​វ័យ​ទើបតែ៣៥ឆ្នាំ។ លោក​ហ្កាប្រ៊ីយែល បូរីក បានដឹកនាំសម្ព័ន្ធបក្ស​ឆ្វេងនិយម ប្រជែងជាមួយ​បេក្ខជនម្នាក់ទៀតមកពីបក្សស្តាំងនិយមជ្រុល។ ជ័យជំនះរបស់ ក្រុមគណបក្សឆ្វេងនិយម ជាប្រវត្តិសាស្ត្រនៅស៊ីលីនេះ បាន​ផ្តល់ក្តីសង្ឃឹមជាខ្លាំង សម្រាប់ប្រជាជនស៊ីលី ក្នុងការឈានទៅកសាងសង្គម ដែលមានសមភាព ទាំងជីវភាពសេដ្ឋកិច្ច និងសិទ្ធិសេរីភាព។