លទ្ធផល​ប្រលងបាក់ឌុប​ឆ្នាំ២០២១​ សម្រាប់​នៅភ្នំពេញ​ និង​ខេត្តកណា្តល​ត្រូវ​ក្រសួង​អប់រំ​ ប្រកាស​នៅ​ថ្ងៃទី១៤​ ខែមករា​នេះហើយ​ ខណៈលទ្ធផល​តាមខេត្ត​ផ្សេងទៀត​ត្រូវប្រកាស​នៅថ្ងៃស្អែក។​ ក្នុង​ចំណោម​បេក្ខជន​ប្រលង​ចំនួនជាង១១ម៉ឺននាក់​ មាន​ជាង​ ៧២ ០០០​នាក់​ប្រលង​ជាប់​ គឺស្មើនឹង​ ៦៥,៦៥%​ ហើយ​សិស្ស​ជាប់​និទ្ទេស A​ បានកើន​ឡើង​រហូត ជាង១៧០០នាក់។​  លោក ហង់ជួន ណារ៉ុន​ រដ្ឋមន្ត្រី​ក្រសួង​អប់រំ ​យុវជន​ និង​កីឡា ​បានថ្លែងថា​លទ្ធផល​ប្រលង​ដែលរបស់​សិស្សបាក់ឌុប​ក្នុង​សិក្សា​ឆ្នាំ​២០២១​ គឺល្អជាង​អ្វីដែលក្រសួង​អប់រំ​បានគិតទុក។​ តាម​លោករដ្ឋមន្ត្រី ​លទ្ធផលនេះ​ បើគិត​ជាភាគរយ​ គឺសិស្ស​ជាប់ទាប​ជាង​លទ្ធផលកាលពីឆ្នាំ​ ២០១៩​ ទៅទៀត​ ដែលបញ្ហា​នេះ​ គេមិនអាច​និយាយ​ថាដោយសារតែវិញ្ញាសារ​ធូរពេក​បានទេ។​