ប្រ​មុខ​រដ្ឋាភិ​បាល​កម្ពុជា​បាន​ប្រកាស​នៅ​ថ្ងៃ​ទី​៣១​ខែ​មីនា​ឆ្នាំ​២០២៤​នេះ​ថា ​កម្ពុជា​បាន​ត្រៀម​ឯក​សារ​រួច​ហើយ​ដើម្បី​ស្នើ​ចុះ​«សង្ក្រាន្ត»​ទៅ​ក្នុង​បញ្ជី​បេតិក​ភណ្ឌ​ពិភព​លោក​នៅ​ឆ្នាំ​២០២៦​ បើ​គ្មាន​ការ​ប្រែ​ប្រួល​ទេនោះ​។​ ការ​បញ្ជាក់​របស់ ​លោក ​ហ៊ុន ម៉ាណែត ចេញពី​ខេត្តពោធិ៍សាត់​យ៉ាង​ដូច្នេះ  គឺ​ឆ្លើយតប​នឹង​ការ​បារម្ភ​របស់​ពលរដ្ឋ​ខ្មែរ​មួយ​ចំនួន​ដែល​ថា​ កម្ពុជា​លែង​អាច​រៀប​ចំ​«សង្ក្រាន្ត»​បាន​ទៀត​ហើយ​ ដោយ​សារ​តែ​ថៃបាន​ចុះ​«សង្ក្រាន្ត»​ទៅ​ក្នុង​បញ្ជី​បេតិ​ក​ភណ្ឌ​ពិភព​លោក​រួច​ហើយ​។​