លោកប្រធានាធិបតី​បារាំង អេម៉ានុយអែល ម៉ាក្រុង បាន​ទៅ​ទីក្រុងប៊ូដាប៉េសត៍ ប្រទេសហុងគ្រី ដើម្បីជួបជាមួយ លោក​នាយករដ្ឋមន្ត្រីហុងគ្រី វិកទ័រ​ អកបាន។ មេដឹកនាំទាំង២នេះ ត្រូវបាន​គេដឹងថា គឺជាគូប្រជែងនយោបាយ តំណាងឲ្យ​ចរន្តគំនិតនយោបាយ ដែលកំពុងតែ​​ពុះចែកអឺរ៉ុបជា២ ឲ្យ​ដើរផ្ទុយគ្នា។ លោក​ម៉ាក្រុង​ គឺជាអ្នកអឺរ៉ុបនិយម ចង់ពង្រឹងសមាហរណ្ណកម្ម​ ឲ្យ​កាន់តែទូលំទូលាយ ខណៈដែលលោកវិកទ័រ អកបាន ឯនោះវិញ គឺជាអ្នកអធិបតេយ្យ និង​ជាតិនិយមជ្រុល។