លោកណារិន្ទ្រា ម៉ូឌី បានទៅធ្វើទស្សនកិច្ច​ផ្លូវរដ្ឋ នៅទីក្រុងវ៉ាស៊ីនតោន កាលពី​ថ្ងៃ ព្រសហ្បតិ៍​​ទី​២២មិថុនា ដោយ​លោកត្រូវបាន​ លោក​ចូ បៃដិន ទទួលស្វាគមន៍យ៉ាងគគ្រឹកគគ្រេងបំផុត។ មេដឹកនាំទាំង២ បាន​ថ្លែងប្រកាសអបអរ ចំពោះ កម្លាំងថាមពលថ្មី នៃចំណងសហប្រតិបត្តិការ រវាងឥណ្ឌា និងសហរដ្ឋអាមេរិក​ ទាំងផ្នែកសេដ្ឋកិច្ច ពាណិជ្ជកម្ម និង​ការពារជាតិ​​។ ជា​ចំណងសហប្រតិបត្តិការ ដ៏ពេញលេញ និងកាន់តែស្អិតរមួត​ ដែលគេជឿថា ជាការរួម​កម្លាំងគ្នា ដើម្បីទប់ទល់ជាមួយចិន នៅក្នុងតំបន់ឥណ្ឌូប៉ាស៊ីហ្វិក។​