គណ​បក្ស​ខ្មែរ​រួប​រួម​ជាតិ ស្នើសុំ​ជួប​តំណាង គណៈកម្មា​ធិ​ការ​ជាតិ​រៀប​ចំ​ការ​បោះ​ឆ្នោត​ ដើម្បី​កែ​លម្អ​បញ្ហាមួយ​ចំនួន ​ខណៈ​គ.ជ.ប. ប្រកាស​ទទួល​មតិ​យោបល់ ធាតុ​ចូល ​ទៅ​លើ​សេច​ក្តីព្រាង​បទ​បញ្ជា​និង​នី​តិ​វិធី​បម្រើឱ្យ​​ការ​បោះ​ឆ្នោត​​ជ្រើស​តាំង​តំ​ណាង​រាស្រ្ត​ឆ្នាំ​២០២៣​។ ​ការ​បិទ​ទ្វារ​រាប់​សន្លឹក​នៅការិ​យាល័យ​មួយ​ចំនួន​តូច ​នា​ពេល​បោះ​ឆ្នោត​ឃុំ ​សង្កាត់​កន្លងមក ​ គឺ​ជា​អ្វី​ដែល​គណ​បក្ស​នេះ​កត់​សំគាល់​។​ លោក​ ញឹក ប៊ុន​ឆៃ ​ប្រធាន​គណ​បក្ស​ខ្មែរ​រួប​រួម​ជាតិ យល់​ថា ​បញ្ហា​នេះ​ជា​រឿង​តូច​តាច​ តែ​មិន​ត្រូវ​មើល​រំលងឡើយ​។