ក្រុមអង្គការសង្គមស៊ីវិលចំនួន២០ស្ថាប័ន បានជួបគ្នាកាលពីម្សិលមិញនៅក្នុងវេទិកាមួយស្តីពីការចូល​រួម​របស់ពលរដ្ឋ ក្នុងការដំណើរការ​កសាងផែនការថវិកា និងតាមដាន​លើ​ចំណូល​-ចំណាយថវិកាជាតិ​ក្នុង​បរិបទកូវីដ១៩។ ដោយសារតែកូវីដ១៩ ដំណើរការ​កសាង​ច្បាប់​ថវិកាជាតិ ​មិនបានផ្តល់ឱកាសឲ្យមានការ​ចូលរួមពីភាគីពាក់ព័ន្ធនោះទេ។ នេះបើតាម លោក ប៉ិច ពិសី នាយកប្រតិបត្តិអង្គការ​តម្លាភាពកម្ពុជា។ បើតាមអ្នកជំនាញខាងប្រឆាំងអំពើពុករលួយរូបនេះ កង្វះការចូលរួមនេះ បានទាញកម្ពុជាឲ្យធ្លាក់ដល់ពន្ទុសូន្យ​ ទាក់​ទង​នឹង​ការ​បើក​ចំហថវិកាជាតិ។