៤ថ្ងៃក្រោយ​លោកស្រី លីស ត្រាស្ស បានលាចុះពីតំណែងនាយករដ្ឋមន្ត្រីអង់គ្លេស គណបក្ស​អភិរក្សនិយមអង់គ្លេស​បានសម្រេច​តែងតាំង លោក រីស៊ី ស៊ូណាក់ ជាប្រធានថ្មី​របស់គណបក្ស កាលពីថ្ងៃចន្ទម្សិលមិញ។ ហើយ​នៅ​ថ្ងៃ​អង្គារទី​២៥តុលា​​ លោក រីស៊ី ស៊ូណាក់ បាន​ចូលគាល់ ព្រះចៅហ្សាលទី៣ ដើម្បី​ទទួលការប្រទានតំណែង ​តែងតាំងជានាយករដ្ឋមន្ត្រីថ្មី​​។ អាណត្តិនាយករដ្ឋមន្រ្តី របស់​លោក រីស៊ី ស៊ូណាក់ គឺស្ថិតនៅ​​ក្នុង​បរិបទមួយលំបាក​លំបិនបំផុត​ ព្រោះ​ប្រទេសអង់គ្លេស កំពុងតែ​ជួបវិបត្តិ​យ៉ាងធ្ងន់ធ្ងរ មិនថាសេដ្ឋកិច្ច និងនយោបាយ​។