គណបក្ស​បេះដូង​ជាតិ​ ដែលគេ​សង្ស័យ​ថា​មានជាប់​ពាក់ព័ន្ធ​នឹង​មេដឹកនាំ​ជាន់ខ្ពស់​អតីត​គណបក្ស​សង្គ្រោះជាតិ​មួយ​ចំនួន ​នឹង​មិនមាន​ឈ្មោះ​ទេ​នៅក្នុង​ការ​បោះឆ្នោត​ខាងមុខ ​បន្ទាប់ពី​តុលាការ​កំពូល​ទាត់ចោល​ការ​ស្នើសុំ​អន្តរាគមន៍​ទៅ​ក្រសួង​មហា​ផ្ទៃ​ដើម្បី​ចុះបញ្ជី​ស្របច្បាប់​។ លោក ​សៀម ភ្លុក ​ដែលជា​តំណាង​ស្ថាបនិក​គណបក្ស​បេះដូងជាតិ​បាន​ថ្លែង​ថា​វាជា​រឿងធម្មតា​ទេ​សម្រាប់​អ្នក​នយោបាយ ​ដែលមាន​ការ​ខកចិត្ត​នៅពេលដែល​គណបក្ស​បេះដូងជាតិ​របស់ខ្លួន​មិនត្រូវបាន​ទទួល​ការចុះបញ្ជី​ពី​អាជ្ញាធរ​។ លោក សៀម ភ្លុក ​បញ្ជាក់ថា​លោកនឹង​មិន​បើក​គណបក្ស​ថ្មី​ទៀត​ទេ ​តែនឹង​ទៅ​ចូលរួម​ជាមួយ​គណបក្ស​ណា ​ដែលមាន​និន្នាការ​នយោបាយ​ផ្ទុយពី​គណបក្ស​កាន់​អំណាច​។