មេដឹកនាំបក្សប្រឆាំង​ លោក សម រង្ស៊ី ​ផ្ញើលិខិត​មួយច្បាប់​ជូន​សមាជិក​សភាស ហរដ្ឋ​អាមេរិក​ដោយ​ ស្នើសុំឲ្យជួយ​អន្តរាគមន៍​ដល់​ប្រជាជនកម្ពុជា​ដែល​កំពុង​រង​គ្រោះក្នុង​វិបត្តិជំងឺកូវីដ-១៩។ ការស្នើសុំនេះ ​គឺដោយសារ​លោកយល់ថា របបក្រុង​ភ្នំ​ពេញ​អសមត្ថភាព​ដោះស្រាយ​វិបត្តិកូវីដ​ និង​ថែមទាំងធ្វើទុក្ខ​បុក​ម្នេញ​ឥតស្រាក​ស្រាន​ទៅលើ​ប្រជាពលរដ្ឋ​ថែមទៀត។ ​អ្នកនាំពាក្យ​គណបក្ស​ប្រជាជន​កម្ពុជា ​ឆ្លើយតបថា ​សារ​របស់​លោក សម រង្ស៊ី ​គ្មានតម្លៃ​អ្វីទាំងអស់​ ខណៈ​អ្នក​ឃ្លាំ​​មើល​ចាត់​ទុកថា ​អ្វីដែល​មេបក្សប្រឆាំងរូបនេះ​ កំពុងធ្វើ ​គឺជា​រឿង​ត្រឹមត្រូវទៅតាមតួនាទីរបស់លោក។