ដូចរៀងរាល់ឆ្នាំដែរ អង្គការសមាគមខ្មែរ​កម្ពុជា​តែងតែ​រំឭកខួប​នៃការ​បាត់​បង់​ទឹក​ដី​ខ្មែរ​កម្ពុជា​នៅ​ថ្ងៃទី៤មិថុនាឆ្នាំ១៩៤៩។ រយៈពេល៧៣ឆ្នាំមកនេះ បើតាម​សមាគម​ខ្មែរ​កម្ពុជាក្រោម អាជ្ញាធរវៀតណាមនៅតែ​ធ្វើ​ទុក្ខបុកម្នេញទៅលើសកម្មជនខ្មែរ​កម្ពុជាក្រោមដែលហ៊ានចេញមុខតស៊ូមតិ​ក្នុងការការពារ​ប្រវត្តិសាស្ត្រ វប្បធម៌ និងអក្សសាស្ត្រខ្មែរ។ លោក សឺន ជុំជួន អគ្គលេខាធិការសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ គូសបញ្ជាក់ថា ខ្មែរ​ក្រោម​មិនដែល​ទទួលស្គាល់ថា ទឹកដីកម្ពុជា​ក្រោម​បាន​បាត់​បង់​នោះទេ ប៉ុន្តែ​ពួកគេនៅតែទាមទារឲ្យអាជ្ញាធរវៀតណាម​ទទួលស្គាល់ថា ខ្មែរ​ក្រោមជាជនជាតិ​ដើម និង​ត្រូវ​គោរពសិទ្ធិខ្មែរ​ក្រោម​ទៅតាមអ្វីដែលមានចែងក្នុង​សន្ធិសញ្ញារបស់អង្គការសហប្រជាជាតិ។