ភ្ញៀវ​ប្រចាំ​ថ្ងៃ​នៅរាត្រី​នេះ ​គឺ​លោក ​តូច ចាន់នី​ អគ្គនាយក​បច្ចេក​ទេស ​និង​ជា​អ្នក​នាំ​ពាក្យ​ក្រសួង​សង្គម​កិច្ច​។​លោក​ចូល​ខ្លួន​មក​ឆ្លើយ​តប​នឹង​របាយការណ៍​អង្គការ​លីកាដូ​​ដែល​ស្នើ​ឲ្យ​រដ្ឋាភិបាល​បិទ​មណ្ឌល​ព្រៃស្ពឺ។ ​មណ្ឌល​ព្រៃ​ស្ពឺ ​ដែល​លី​កា​ដូ​អះអាង​នៅ​ថ្ងៃ​ពុធ​នេះ​ថា​ មាន​ស្លាប់​មនុស្ស​២​នាក់​ដោយសារ​ការ​ឃុំ​ខ្លួន​មិន​ត្រឹម​ត្រូវ ​ខណៈ​មនុស្ស​១០​នាក់​បាន​ស្លាប់​បន្ត​បន្ទាប់​គ្នា​នៅ​ក្នុង​ចន្លោះ​ខែ​កក្កដា​ និង​ខែ​សីហា​ឆ្នាំ​២០២២​ ​។​ប៉ុន្តែ​ ក្រសួង​សង្គម​កិច្ច​​អះអាងថា​កំពុង​ឲ្យ​មន្ត្រី​ជំនាញ​ចុះ​ពិនិត្យ​មើល​ករណីនេះ​ តែ​លោក​ តូច ចាន់នី ​ចោទ​សួរ​វិញ​ថា​ បើ​បិទ​មណ្ឌល​ព្រៃ​ស្ពឺ​តើ​យក​ជនអនាថា​ទៅ​ដាក់​នៅ​ឯណា?​