ថ្ងៃពុធ​ អតីត​ប្រធានាធិបតីសហរដ្ឋអាមេរិក លោក ដូណាល់ ត្រាំ ត្រូវរដ្ឋ​អាជ្ញារដ្ឋ​ញូវយ៉ក កោះហៅ​ទៅសាកសួរ នៅតុលាការ​ក្រុង​ញូវយ៉ក​ ដោយ​សង្ស័យ​ពីបទ​​លួច​គេចពន្ធ​។ ក្នុងអង្គ​សវនាការ ​រយៈ​ពេល​ប្រមាណ​ ៦ ម៉ោង ​មហាសេដ្ឋី ដូណាល់ ត្រាំ បាន​រក្សា​សិទ្ធិ​នៅ​ស្ងៀមស្ងាត់​ មិន​ឆ្លើយតប​អ្វីទាំងអស់​។ អង្គសវនាការនៅ​រដ្ឋ​ញូវយ៉ក់​​នេះ គឺធ្វើ​ឡើង​តែពីរថ្ងៃ​ប៉ុណ្ណោះ បន្ទាប់​ពី​ នគរបាល​សហព័ន្ធ​ បាន​ចុះ​ឆែកឆេរ​នៅ​គេហរដ្ឋ​របស់​លោក ត្រាំ នៅ​ផ្លរីដា (Florida)។