ការ​ប្រកួត​កីឡា​ជាតិ​លើក​ទី៣​ និង​កីឡា​ជន​ពិការ​លើក​ទី​១​ ត្រូវ​បាន​បើក​ជា​ផ្លូវ​កាល​ពី​ល្ងាច​ម្សិល​មិញ​នេះ​នៅ​ពហុ​កីឡា​ដ្ឋាន​ជាតិ​ថ្មី​។​ នេះ​ជា​ការ​រៀប​ចំ​សាក​ល្បង​ដូច​ទៅ​នឹង​ការ​រៀប​ចំ​ការ​ប្រកួត​កីឡា​ស៊ីហ្គេម និង​អាស៊ាន​ប៉ារ៉ា​ហ្គេម ឆ្នាំ​២០២៣​ នាពេល​ខាង​មុខ​ដែរ​។​ លោក វ៉ាត់ ចំរើន​ អគ្គ​លេខា​ធិការ​គណៈ​កម្មាធិ​ការ​ជាតិ​រៀប​ចំ​ការ​ប្រកួត​កីឡា​អាស៊ី​អាគ្នេយ៍​លើក​ទី​៣២​ ឲ្យដឹងថា ​មាន​កីឡា​៣៨​ប្រភេទ​ចាប់​ផ្តើម​យក​មក​ប្រកួត មុន​ពេល​ស៊ី​ហ្គេម​២០២៣​មក​ដល់​។​ ការ​ប្រកួត​នេះ​គឺ​ជា​ការ​ត្រៀម​លក្ខណៈ​រួច​ជា​ស្រេច​ដើម្បី​ឈាន​ទៅ​ប្រកួត​ជា​លក្ខណៈ​អន្តរ​ជាតិ​ដែល​កម្ពុជា​រង​ចាំ​ធ្វើ​ជា​ម្ចាស់​អស់​រយៈ​៦៤​ឆ្នាំ​មក​ហើយ​។​