អ្នក​រាយការណ៍​ពិសេស​អង្គការ​សហប្រជាជាតិទទួល​បន្ទុក​សិទ្ធិមនុស្ស​នៅ​កម្ពុជា លោក វិទិត មុនតាប៊ន (Vitit Muntarbhorn)បាន​ជួប​ពិភាក្សាតាម​ប្រព័ន្ធវីដេអូ​ជាលើកដំបូង​ជា​មួយមន្ត្រីជាន់ខ្ពស់​រដ្ឋាភិបាល​កម្ពុជា រួមមាន លោក ស ខេង រដ្ឋ​មន្ត្រីក្រសួង​មហាផ្ទៃ និងលោក កែវ រ៉េមី ​​ប្រធាន​គណៈកម្មាធិការ​សិទ្ធិមនុស្ស​របស់​រដ្ឋាភិបាល ​នៅរសៀល​​​ថ្ងៃ​ទី​២៤​មិថុនា នេះ។ នៅ​ក្នុង​ជំនួបទាំងនោះ សាស្ត្រាចារ្យ វិទិត មុនតាប៊ន​ បាន​លើក​យក​បញ្ហា​រំលោភ​សិទ្ធិមនុស្ស បញ្ហា​ចង្អៀត​ណែន​នៅ​ក្នុង​ពន្ធនាគារ លំហ​ប្រជាធិបតេយ្យ​ និង​ដំណើរ​ការ​កែទម្រង់​ច្បាប់​អង្គការ​សង្គម​ស៊ីវិល​ ជា​ដើម​ ទៅកាន់​មន្ត្រីកម្ពុជា។​