គណ​បក្ស​ប្រ​ជា​ធិប​តេយ្យ​មូល​ដ្ឋាន​ម្សិល​មិញ​នេះ​បាន​ចេញ​សេចក្តី​ថ្លែង​ការណ៍​អំពាវ​នាវ​កុំ​ឲ្យ​ពលរដ្ឋបោះ​បង់​សិទ្ធិ​បោះ​ឆ្នោត​នៅ​ថ្ងៃ​ទី​ ២៣​ខែ​កក្កដា​ ឆ្នាំ​២០២៣​ ខាងមុខនេះ​។​ ការ​អំពាវ​នាវ​នេះ​ធ្វើ​ឡើង​ស្រប​ពេល​ដែល​មាន​ការ​ផ្សព្វ​ផ្សាយ​ពី​ក្រៅ​ប្រទេស​កុំ​ឲ្យ​ពលរដ្ឋ​ទៅ​បោះ​ឆ្នោត​ដោយ​សារ​តែ​គ្មាន​គណ​បក្ស​ភ្លើង​ទៀន​។ ​លោក​ យ៉េង ​វីរៈ​ ប្រធាន​ប្រតិ​បត្តិ​គណ​បក្ស​ប្រជា​ធិប​តេយ្យ​មូលដ្ឋាន ​ថ្លែងថា​ គណ​បក្ស​នេះ​ក៏​ចូល​រួម​សោក​ស្តាយ​ដែរ​ដែល​គណ​បក្ស​ភ្លើង​ទៀន​មិន​ត្រូវ​បាន​អនុញ្ញាត​ឲ្យ​ចូល​រួម​នោះ ​តែ​លោក​អះអា​ង​ថា ​គ.ម.ប​ មិន​មែន​ជា​គណ​បក្ស​ឱកាស​និយម​ទេ​។