កាលពីថ្ងៃសុក្រទី​១៦ធ្នូ​ រុស្ស៊ីបានបាញ់សំរុក​គ្រាប់​មីស៊ីល ​ជាង​៧០គ្រាប់ មកលើអ៊ុយក្រែន។ ជាការវាយ​ប្រហារដែល​បានសំដៅ​បំផ្លាញហេដ្ឋារចនាសម្ព័ន្ធស៊ីវីលរបស់អ៊ុយក្រែន មានចរន្តអគ្គិសនី និង​បណ្តាញផ្គត់ផ្គង់ទឹកជាដើ​ម​។ ប្រជាជនអ៊ុយក្រែន​ កំពុងរស់នៅ​ក្នុ​ងស្ថានភាពលំបាកជាខ្លាំង ជាមួយ​នឹងសីតុណ្ហភាពចុះត្រជាក់ក្រោម 0°C គ្មាន​ម៉ាស៊ីនកំដៅ គ្មានទឹកប្រើប្រាស់​។​ អាជ្ញាធរអ៊ុយក្រែន កំពុងតែ​​ប្រឹងប្រែងព្យាយាម​តភ្ជាប់បណ្តាញចរន្តអគ្គិសនី យ៉ាង​សស្រាក់សស្រាំ។