លោកស្រី ចរចា ម៉េឡូនី នាយករដ្ឋមន្ត្រី​អ៊ីតាលី បានទៅទស្សនកិច្ច​ផ្លូវរដ្ឋជា​លើកទី​១មួយ​ នៅរដ្ឋធានីវ៉ាស៊ីងតោន សហរដ្ឋអាមេរិក។ កាលពីថ្ងៃព្រហស្បតិ៍​ម្សិលមិញ លោកស្រីត្រូវបាន​លោក​ប្រធានាធិបតី ចូ បៃដិន ទទួលស្វាគមន៍យ៉ាងរាក់ទាក់ នៅឯសេតវិមាន​។ ធាតុពិតទៅ លោកស្រីម៉េឡូនី ដែលមកពីគណបក្ស​នយោបាយ​ស្តាំនិយមជ្រុល គឺមានទំនោរខុសគ្នាឆ្ងាយ​ណាស់ ពី​លោក​ ចូ បៃដិន ដែលមកពីបក្ស​ប្រជាធិបតេយ្យ​។ តែយ៉ាងណាសំណុំរឿងអ៊ុយក្រែន ព្រមទាំងបញ្ហា​ប្រកួតប្រជែងជាមួយចិន បានធ្វើ​ឲ្យ​អ្នកទាំងពីរ ត្រូវទុករឿងពណ៌សំបុរនយោបាយមួយឡែកសិន​។