ថ្ងៃទី ២០មករា ជា​ខួប​១ឆ្នាំ នៃ​ការចូលកាន់តំណែង​របស់​ចូ បៃដិនជា​ប្រធានាធិបតីអាមេរិក។ នៅក្នុង​សន្និសីទកាសែត​ដ៏កម្រ កាលពី​ថ្ងៃ ពុធ​ទី ១៩​មករា ២០២២ លោក​ប្រធានាធិបតី​ចូ បៃដិន មកពី​គណបក្ស​ប្រជាធិបតេយ្យ បាន​ថ្លែង​ដោយអំណួត​ពី​តុល្យការ​សេដ្ឋកិច្ច និង​សុខភាព ដែល​រដ្ឋបាល​របស់​លោក​សម្រេច​បាន នៅក្នុង​រយៈពេល​១ឆ្នាំមកនេះ។ លោក​ចូ បៃដិន​បាន​លើកសរសើរ​ស្នាដៃ​រដ្ឋបាល​របស់​លោក ប៉ុន្តែ នៅ​ក្នុងការស្ទង់​មតិ​ឯណោះវិញ កូដប្រជាប្រិយភាព​របស់​លោក​ចូ បៃដិន​បាន​ធ្លាក់​ចុះ គួរឲ្យកត់សំគាល់។ នៅ​មុន​ការបោះឆ្នោតសភា ពាក់កណ្តាលអាណត្តិ លោក​ចូ បៃដិន​សន្យា​ភ្ជាប់ទំនាក់ទំនង​ជិតស្និទ្ធ​ឡើងវិញ ជាមួយ​ប្រជាជនអាមេរិក។