កាលពីថ្ងៃព្រហស្បតិ៍ទី២៣ធ្នូ លោកប្រធានាធិបតី ចូ បៃដិន បានចុះហត្ថលេខា អនុម័តច្បាប់មួយ​ហាមឃាត់ការនាំចូល​ទំនិញទាំងអស់ ដែលមានប្រភពនៅខេត្តស៊ីនជាំង ប្រទេសចិន។ ជាទំនិញ ដែលរដ្ឋាភិបាលអាមេរិក ចាត់ទុកថា បានមកពី​​កម្លាំងពលកម្មខុសច្បាប់ របស់ប្រជាជនអ៊ុយហ្គួរ ដែលត្រូវរដ្ឋអំណាចចិន​ ចាប់បង្ខំឲ្យ​ធ្វើការ។ សហរដ្ឋអាមេរិក ជាប្រទេសទីមួយហើយ ដែលបានអនុម័តច្បាប់របៀបនេះ សំដៅប្រឆាំងនឹងសកម្មភាពរំលោភសិទ្ធិមនុស្សធ្ងន់ធ្ងរ ដែលរដ្ឋអំណាចចិនបានធ្វើទៅលើ​ប្រជាជនអ៊ុយហ្គួរ នៅខេត្តស៊ីនជាំង។