ថ្ងៃអាទិត្យទី​១មករា គឺ​ជាថ្ងៃចូលឆ្នាំ​ថ្មីឆ្នាំ​២០២៣ ហើយ​ក៏ជាថ្ងៃបើកទំព័រសករាជ្យថ្មី សម្រាប់ប្រជាជនប្រេស៊ីល​​ផងដែរ ជាមួយ​នឹងការចូលកាន់អំណាចជាផ្លូវការ របស់​លោក​ប្រធានាធិបតី​ លូឡា ដែលជាអ្នកនយោបាយ​ឆ្វេងនិយមជើងចាស់ ដ៏មានប្រជាប្រិយ​។​ នៅក្នុងកម្មវិធី​ស្បថ​ចូលកាន់តំណែង យ៉ាង​ឱឡាឫក ចំពោះមុខប្រជាពលរដ្ឋរាប់ម៉ឺននាក់ លោកប្រធានាធិបតីលូឡា បាន​ស្បថសច្ចាថា​នឹងផ្សះផ្សាជាតិ ព្រមទាំងកសាងប្រទេសប្រេស៊ីលឡើងវិញ បន្ទាប់ពីបានឆ្លងកាត់ការបែកបាក់ ប្រមាណ​៤ឆ្នាំមកនេះ ដោយសារតែ​អំណាចដឹកនាំរបស់​លោក​អតីតប្រធានាធិបតី​ស្តាំនិយមជ្រុលបុលសូណារ៉ូ។