កាលពីថ្ងៃសុក្រ ទី​១៧មិថុនា លោកចូ បៃដិន​ បានដឹកនាំការប្រជុំមួយ ដែលមានឈ្មោះថា “វេទិកា​នៃប្រទេសសេដ្ឋកិច្ចនាំមុខ ស្តីពីថាមពលនិងបរិស្ថាន” ។ ដោយមានការចូលរួម ពី​​ថ្នាក់ដឹកនាំជាង២០ប្រទេស លោកចូ បៃដិន មានបំណងយកឱកាសនេះ ទាញសញ្ញាអាសន្ន ឲ្យ​គ្រប់ប្រទេស កុំបង្វែរអាទិភាព លើ​ការពង្រីកពង្រឹង ​ប្រភពថាមពលបៃតងស្អាតស្អំ​ ព្រោះវាមិនត្រឹមតែជា​ដំណោះស្រាយ​ប្រយុទ្ធនឹងការកើនឡើងកំដីផែនដីប៉ុណ្ណោះទេ តែវាគឺជា​ មធ្យោបាយ​ការពារសន្តិសុខ​ថាមពល។ សន្តិសុខថាមពលពិភពលោកបច្ចុប្បន្ន ដែលកំពុងប្រឈមនឹងការគំរាម ដោយសារតែសង្គ្រាមឈ្លានពានរបស់រុស្ស៊ី ទៅលើអ៊ុយក្រែន។