នៅក្នុងឱកាសកម្មវិធីបើកសម្ពោធកីឡាអូឡាំពិករដូវរងារ នៅទីក្រុងប៉េកាំង កាលពីថ្ងៃសុក្រទី៤កុម្ភៈ លោកប្រធានាធិបតី​រុស្ស៊ី វ្លាឌីមៀរ ពូទីន បានអញ្ជើញទៅជាកិត្តិយស ក្រោមការ​អញ្ជើញ​របស់​លោក​​ប្រធានាធិបតី​ចិន ​ខណៈ​ដែល​​សហរដ្ឋអាមេរិក​ឯណោះ បាន​ធ្វើពហិកាការទូត មិនចូលរួមកម្មវិធី​នេះ។ វត្តមាន​ដ៏ស្និទ្ធស្នាលរបស់​លោកពូទីន និង លោកស៊ី ជីនពីង នាពេលនេះ ត្រូវបាន​អ្នកវិភាគ​ជាច្រើន យល់ឃើញថា គឺជាការពង្រឹងសម្ព័ន្ធភាពយុទ្ធសាស្ត្រ រវាងចិន និង​រុស្ស៊ី ដែលមហាអំណាចទាំង២នេះ មានសត្រូវរួមតែមួយ គឺសហរដ្ឋអាមេរិក។ តើការចាប់ពួតដៃគ្នា រវាងចិននិងរុស្ស៊ី អាចបង្កឧបសគ្គ និងការលំបាកអ្វីខ្លះ ដល់សហរដ្ឋអាមេរិក ក៏ដូចជាក្រុមប្រទេសលោកខាងលិចជាទូទៅ?