ភ្ញៀវ​ប្រចាំថ្ងៃ​របស់វិទ្យុ​យើង​នៅរាត្រីនេះ ​គឺលោកស្រី អ៊ុក ឆាយ៉ាវី ប្រធានសមាគមគ្រូបង្រៀនកម្ពុជាឯករាជ្យ។ លោកស្រីបាន​សម្តែងការអប​អរសាទរដល់សិស្សានុសិស្សទាំងអស់ដែលបានទទួលជោគជ័យ​ក្នុង​​ការប្រឡង​មធ្យម​សិក្សា​ទុតិយភូមិ ឬបាក់ឌុប​នៅឆ្នាំ២០២១នេះ​ ទោះស្ថិតនៅក្នុងស្ថានភាព​រៀន​តាមប្រព័ន្ធអនឡាញក្តី​។ បើតាមលោកស្រី អ៊ុក ឆាយ៉ាវី វិញ្ញាសារប្រឡង​​នៅឆ្នាំនេះ មានការ​បន្ធូរបន្ថយក៏ពិតមែន តែ​ល្អប្រសើរជាង​ឆ្នាំមុនដែល​ក្រសួងសម្រេចអោយជាប់ដោយគ្មានការប្រឡង។  ប្រធានសមាគមគ្រូបង្រៀនកម្ពុជាឯករាជ្យ​រូបនេះ សង្ឃឹមថា នៅឆ្នាំបន្ទាប់ទៀត​ ក្រសួងអប់រំនឹង​កម្រិតវិញ្ញាសារប្រឡងបាក់ឌុប ដោយមើលលើ​ស្ថានការណ៍ជាក់ស្តែង​នៅក្នុងបរិបទកូវីដ។