April 21, 2022

ម៉ាក្រុង-ឡឺប៉ែន ដេញដោលគ្នា ផ្តាច់ព្រ័ត្រ សម្រាប់បោះឆ្នោតប្រធានាធិបតីបារាំង ជុំទី២

8 minutes

ថ្ងៃពុធទី២០មេសា នៅស្រុកបារាំង បេក្ខជនប្រធានាធិបតីពីរនាក់ គឺលោកស្រី ម៉ារីន ឡឺប៉ែន និងលោក អេម៉ានុយអែល ម៉ាក្រុង បាន តទល់គ្នា ជជែកវែកញែកពីទស្សនៈនយោបាយ ពីកម្មវិធីនយោបាយ ដើម្បីជាការបង្ហាញបញ្ចេញសមត្ថភាពក្នុងការដឹកនាំប្រទេសជាតិ ទៅ៥ឆ្នាំខាងមុខទៀត។ នេះជាការជជែកដេញដោលគ្នាជាចុងក្រោយ រវាងលោកម៉ាក្រុង និងលោកស្រីឡឺប៉ែន មុននឹងឈានទៅបោះឆ្នោតជុំទី២ នៅថ្ងៃអាទិត្យទី២៤មេសា។ បើទោះបីជាច្បាប់មិនតម្រូវឲ្យធ្វើក៏ដោយ តែការជជែកដេញដោលគ្នានេះ ជា វប្បធម៌តស៊ូមតិដ៏សំខាន់ របស់ការបោះឆ្នោតប្រធានាធិបតីនៅស្រុកបារាំង។ ការជជែកនេះ ក៏ជាការលាតត្រដាងបង្ហាញឲ្យអ្នកបោះឆ្នោត កាន់តែមានទំនុកទុកចិត្តលើបេក្ខជនដែលខ្លួនពេញចេញចិត្ត។ ចំពោះអ្នកដែលមិនទាន់សម្រេចចិត្តថាត្រូវបោះឆ្នោតឲ្យនរណានោះ ក៏នឹងមានអាកាសសម្រេចចិត្តជាចុងក្រោយ។ ការតស៊ូមតិលើកនេះ គឺមានរយៈពេលដល់ទៅជិត៣ម៉ោង ហើយនិងត្រូវចាក់បញ្ចាំងលើកញ្ចក់ទូរទស្សន៍ដែលមានមនុស្សតាមដានមើលផ្ទាល់ ប្រមាណ ២០លាននាក់។ គួររំឮកថា លោកស្រី ម៉ារីន ឡឺប៉ែន និងលោក អេម៉ានុយអែល ម៉ាក្រុង ធ្លាប់ជួបគ្នានៅជុំផ្តាច់ព្រ័ត្រម្តងហើយ កាលពីឆ្នាំ២០១៧។ កាលនោះ លោកម៉ាក្រុងឈ្នះ។

...more