Mannlegi þátturinn

Valdimar Þór Svavarsson ráðgjafi kom í Mannlega þáttinn í dag og hélt áfram að fræða okkur um mannleg samskipti eins og undanfarna fimmtudaga. Síðustu tvær vikurnar var það narsissisminn, nú ræddi hann um mörk og markaleysi. Hvað það er að setja sér mörk, innri og ytri mörk og ýmislegt fleira.

Fyrst flutt í Mannlega þættinum 27. nóv. '25

Valdimar Þór Svavarsson ráðgjafi kom í Mannlega þáttinn í dag eins og undanfarna fimmtudaga og hélt áfram að fræða okkur um mannleg samskipti. Í síðustu viku töluðum við um narsissisma og við héldum því áfram í dag, meðal annars hvað er hægt að gera þegar kemur að samskiptum við narsissíska einstaklinga.

Fyrst flutt í Mannlega þættinum 20. nóv. '25

Valdimar Þór Svavarsson hélt í dag áfram að fara með okkur yfir mannleg samskipti sem geta verið svo flókin. Undanfarna fimmtudaga hefur hann til dæmis frætt okkur um hlutverkin sem fjölskyldumeðlimir falla gjarnan í, samskiptin í ástarsamböndum, af hverju eru sum sambönd langlíf en önnur ekki og margt margt fleira. Í dag fór hann með okkur yfir í narsissisma og níu leiðir til að greina narsissisma.

Fyrst flutt í Mannlega þættinum 13. nóv. '25

Valdimari Þór Svavarssyni ráðgjafi kom í Mannlega þáttinn í dag með það sem við köllum mannleg samskipti. Í síðustu viku var hann að segja okkur frá langlífum samböndum, hvað þarf til að samband verði langlíft og í dag hélt hann áfram að fara yfir viðvörunarbjöllur, þ.e. það sem getur ógnað langlífi sambandsins og hvernig er hægt að leysa úr því.

Fyrst flutt í Mannlega þættinum 6. nóv. '25

Valdimar Svavarsson ráðgjafi kom í Mannlega þáttinn í dag og við héldum áfram að tala um mannlegi samskipti. Valdimar tók upp þráðinn þar sem hann endaði síðasta fimmtudag, með ástarsambönd, mismunandi þarfir og væntingar og hlutverk sem við göngum í í samböndum. Hann fór svo yfir grunn langlífra sambanda, hvað þarf til að samband verði langlíft og hverjar eru viðvörunarbjöllurnar sem geta komið því úr jafnvægi.

yrst flutt í Mannlega þættinum 30. okt. '25

Valdimar Þór Svavarsson ráðgjafi hjá Fyrsta skrefinu og umsjónarmaður Meðvirknipodcastsins kom í Mannlega þáttinn í dag og hélt áfram að fræða okkur um mannleg samskipti því þau geta verið flókin. Hann fór með okkur undanfarna fimmtudaga yfir samskipti og hlutverk innan fjölskyldna. En nú var komið að ástarsamböndum, samskiptin geta ekki síður verið flókin þar.

Fyrst flutt í Mannlega þættinum 23. okt. '25

Valdimar Þór Svavarsson ráðgjafi kom í Mannlega þáttinn í dag, eins og aðra fimmtudaga í vetur, með það sem við köllum mannleg samskipti. Í dag hélt hann aðeins áfram að tala um hlutverk í fjölskyldum.

Fyrst flutt í Mannlega þættinum 16. okt. '25

Eins og aðra fimmtudaga í Mannlega þættinum þá vorum við með mannlegu samskiptin með Valdimari Þór Svavarssyni ráðgjafa í dag. Samskiptin geta verið flókin og Valdimar var að segja okkur síðasta fimmtudag frá hlutverkum sem fjölskyldumeðlimir gjarnan raðast í, sérstaklega ef einhvers konar vanvirkni er til staðar. En hann náði ekki að klára þá umræðu þannig að hann hélt áfram með hlutverkin innan fjölskyldna í þættinum í dag.

Fyrst flutt í Mannlega þættinum 9. okt. '25

Valdimar Þór Svavarsson kom í Mannlega þáttinn í dag til að ræða mannleg samskipti, sem geta verið talsvert snúin eins og hefur komið fram í spjalli okkar við hann undanfarna fimmtudaga. Í dag sagði hann okkur frá hlutverkum sem fjölskyldumeðlimir gjarnan raðast í, sérstaklega ef einhvers konar vanvirkni er til staðar.

Fyrst flutt í Mannlega þættinum 2. okt. '25

Valdimar Þór Svavarsson ráðgjafi var í Mannlega þættinum í dag það sem við köllum Mannleg samskipti. Hann hefur fjallað undanfarna fimmtudaga um áföll og afleiðingar þeirra, sem til dæmis hafa áhrif á samskipti. Svo talaði hann um meðvirkni, til dæmis í uppeldi og þau áhrif sem geta fylgt. Í dag talaði hann svo um innra og ytra virði okkar og hvernig getur verið misræmi þar á milli.

Fyrst flutt í Mannlega þættinum 25. sept. '25