E tuttina datti els. Er en Svizra, era en il Grischun ed era en la Rumantschia. Ils toxicomans e las dependentas da drogas. Savens han els ed ellas destins a l'ur da nossa societad e quels èn perquai in tema da tabu, insatge ch'ì «na dat betg tar nus.»

L'istorgia da Gian Reto è in exempel da blers. En la Marella raquinta Gian Reto Blumenthal da sia istorgia cun las drogas. El raquinta co ch'el ha vivì ses onns en la dependenza e co ch'el emprova da sortir da quella. El raquinta da sias experientschas, sias regurdientschas e da ses puncts ils pli auts sco era ils pli bass. Ed el raquinta da ses cumbat, in che cuntinuescha ed accumpogna el per vita duranta.

Enfin il 1971 era la Svizra politicamain ina confederaziun da frars cun las soras avant porta. Dapi 50 onns essan era nus betg pli mo ina mesa mabain ina democrazia cumpletta.

«Ina buna mamma ha dapli pussanza che ina ferventa votanta» scriveva il comité contra en ses inserats ed il comité pro ha replitgà il medem onn: «Bunas mamma na vulan betg pussanza ellas vulan servir e quai era en il stadi». Quai èn dus inserats ch'ins chatta en la pressa grischuna il 1959 en occasiun da l'emprima votaziun federala per introducir il dretg da vuschar da las dunnas. Las discussiuns han entschet gia il 19avel tschientaner ed a partir dals onns 1920 hai dà en differents chantuns numerusas tentativas per introducir il dretg da vuschar. Iniziativas ch'ils umens han consequentamain refusà a l'urna.

Discussiuns animadas e cumbats fervents durant decennis e fin il di avant la votaziun dals 7 da favrer 1971. Tge ch'è sa midà cun l'ir dal temp èn ils arguments. A maun da las gasettas grischunas sa metta la Marella als fastizs da quest'evoluziun da la buna mamma a la votanta ferventa.

En il magliacudeschs discurra Esther Krättli cun giasts davart cudeschs che dattan en egl.

En il center da l'emissiun stattan dus cudeschs che cumenzan tuts dus cun in funeral. Preschentà vegn il thriller talian «La fonte del male» da Susanna Salerno e «Das Dorf der Nichtschwimmer» dad Urs Augstburger. Ils giasts dal Magliacudeschs èn questa giada Marcella Pult e Flurin Caviezel.

En «La fonte del male» perdan pliras persunas lur vita sut circumstanzas misteriusas. Il roman è ambientà en Bregaglia ed en Engiadin'Ota, nua cha l'autura e psicologa Susanna Salerno viva dapi blers onns.

Pli patgific èsi a Dadens, in lieu che sumeglia fitg Mustér. Là vegn quintada l'istorgia da duas famiglias e quai sur trais generaziuns. Ina saga da famiglia cun scharm sursilvan.

Il tip da la magliacudeschs Salome Michael è «Baba Dunjas letzte Liebe» dad Alina Bronsky, in'istorgia commoventa d'ina dunna veglia che turna a Tschernobyl.

La scriptura ed il president communal fan, la psicologa e la cussegliadra da lavur er – lavurar davent da chasa. Sco nus tuts e tuttas seguan er ellas ed el cun pli u main gust al cumond federal e fan, sche insaco pussaivel, homeoffice. Però tge fa il lavurar davent da chasa cun nossa vita en famiglia ed en las regiuns? San gidar las medias socialas en la situaziun asociala da stuair lavurar sul-sulet a chasa en l'agen chamberlet? E co po funcziunar lavur a distanza en l'avegnir? Cun Romana Ganzoni, Christian Fanzun, Madlaina Semadeni ed Eva Riedi è sa messa la redactura Isabelle Jaeger a chasa en il homeoffice a la tschertga da respostas per la Marella.

Als fastizs da «l'um nair» che ha mess en agitaziun il 2004 il vitg da Surrein.

Las famas èn qua per vegnir raquintadas. Ellas fascineschan la glieud e sa derasan fitg svelt. E sco igl è tar las famas: Nagin sa, schellas constattan propi u betg. Quai dat spazi per blera interpretaziun e fantasia. E magari sa sviluppa ina da quellas famas en ina moda e maniera uschè bizarra chella po svegliar ina temuna en la societad

Il schaner 2004 è quai daventà realitad a Surrein pervia da «lum nair». Tar la fama sa tracti din um vestgi en nair che saja ì da notg tras las vias a Surrein e duaja avair tementà dunnas ed uffants. Mo gia il patratg chins pudess entupar el ina saira haja fatg pigliar tema la glieud, uschia che blers nhan betg pli gughegià dad ir la notg tras las vias.

16 onns pli tard sa metta Lukas Quinter als fastizs da «lum nair» e sveglia las regurdientschas dals abitants per guardar, sche lum misterius è mo stà fantasia u tuttina realitad.

Tge è curtaschaivel, tge è nuncurtaschaivel? En tge situaziun vala tge? Cura dar il ti, e cura èsi inditgà da dir Vus?

«Jau ma sent uss fitg bain cun dar il ti in a l'auter», quai di Prisca Cathomen, ortopedagoga che visita per sia lavur famiglias en Surselva. L'entschatta saja dentant stà curius, damai che a Cuira vegniva ditg Vus.

Per Renata Coray ch'è sociolinguista di la moda e maniera, co che nus discurrin in cun l'auter bler davart la persuna che discurra. Ins na fa betg mo in maletg da la persuna a basa dal vesair ora, mabain era da la moda e maniera co che insatgi discurra. E là tutga il dir ti e Vus er latiers.

E sa mida la communicaziun tranter umans, sch'i vegn ditg ti u Vus? Il psicolog da lavur Thomas Brandenberger na crai betg. Ma i possia esser che la distanza creschia in zic e ch'i dettia dapli flosclas. E cun il ti datti vischinanza e quai saja bun.

Sfegliar la pagina, cumenzar in chapitel nov, scriver in'autra istorgia: Per cumenzaments vain nus bleras modas da dir che sa refereschan al scriver. Latiers simbolisescha il fegl alv il cumenzament – tut è pussibel. L'idea dal fegl alv è tant carmalanta sco era anguschanta, sco mintga cumenzament. Cura envida il fegl alv a sburfladas da pleds e cura procura el per ina bloccada totala? Autur*As rumantsch*As raquintan davart lur relaziun cun il fegl alv e las fadias da cumenzar. Per il principi da l'onn nov ans deditgain nus a moda ludica, associativa e dal tuttafatg concreta als inizis, a las entschattas ed als cumenzaments. E sperain da rivar era ad ina fin.

Il 2020 e stà in onn da bleras midadas, per la blera glieud. In onn cun midadas persunalas e lura anc in onn cun ina midada per l'entira societad.

Cun questa savida essan nus ids a Sent ed a Breil per inscuntrar spontanamain persunas. Per discurrer cun quellas da las midadas en vischnanca, dentant era da las midadas persunalas.

Ludwig van Beethoven pudess festivar quests dis ses 250avel natalizi.

Avant 58 onns ha Arnold Spescha survegnì da duas collegas ina registraziun da la 5avla sinfonia da Beethoven. Il regal ha fatg l'effect d'in terratrembel e dapi lura è Spescha in vair «fan» da quest'ovra monumentala.

El ha tadlà la 5avla il di da nozzas, a chaschun da las naschientschas da ses uffants ed era il di da la mort da sia mamma. Plinavant ha el cumenzà a collecziunar registraziun da quell'ovra – ina rimnada che cumpiglia oz passa 200 plattas e discs.

En la «Marella» raquinta Arnold Spescha da commentaris da vischins, da quai ch'el auda en la sinfonia e da sia grond'admiraziun per Ludwig van Beethoven.

L'Engiadina carmala adina dapli aficionados d'art da l'entir mund. Nagina regiun en las Alps è ozendi uschè activa sin il champ d'art contemporan sco l'Engiadina.

En lEngiadin'Ota èn vegnidas fundadas pliras gallarias per art contemporan. Ed en l'Engiadina Bassa datti gist plirs lieus d'inscunter per amaturas d'art: Nairs a Scuol, la Fundaziun Not Vital ad Ardez, Sent e Tarasp e dapi dus onns fa il Muzeum Susch furora sco punct culminant dal progress dals ultims onns. Tge fa quai cun la val? Nus essan stads a la tschertga da respostas – cun l'hotelier e pictur Hans Schmid a Lavin, lartista Flurina Badel a Guarda, il galarist Andrea Caratsch a San Murezzan e cun listoricra d'art Dora Lardelli.