ក្រសួងឧស្សាហកម្មនិងនវានុវត្តនៅថ្ងៃទី១១សីហាម្សិលមិញ បានធ្វើសន្និសីទកាសែតបង្ហាញពីសមិទ្ធផលការងាររយៈពេល៥ឆ្នាំ។ អ្នកនាំពាក្យក្រសួងនេះ បានបង្ហាញភាពរីកចម្រើននៃវិស័យឧស្សាហកម្មដើរលឿនរហ័សហួសពីផែនការកំណត់ទុក។ ក្នុងនោះផលិតផលលក់ចេញទៅក្រៅប្រទេស និងលក់នៅក្នុងស្រុកសម្រេចបានជិត៨ពាន់លានដុល្លាររយៈពេល៦ខែនៃឆ្នាំ២០២២។ ដោយឡែកក្នុងរយៈពេល៧ខែរោងចក្របង្កើតថ្មីនៅកម្ពុជាមានជាង១០០ និងផ្ដល់ការងារជូនពលរដ្ឋជិត៨ម៉ឺននាក់ជាមួយនឹងទុនវិនិយោគជាង១ពានលានដុល្លារ។ តាមរយៈកំណើននេះ អ្នកនាំពាក្យក្រសួងឧស្សាហកម្មនិងនវានុវត្តរំពឹងថា វិស័យឧស្សាហកម្មអាចចូលរួមចំណែកក្នុងGDPប្រចាំឆ្នាំ២០២២ជិត៤០ភាគរយ​។ តើកម្ពុជាអាចកាត់បន្ថយពលករចំណាកស្រុកបានទេ ខណៈមន្ត្រីថា វិស័យឧស្សាហកម្មរីកចម្រើន?