Musow ka kɛnɛ

Manden duguw kɔnɔ, denmarayɔrɔ tɛ yen, an ka cakɛdaw kɔnɔ, kasɔrɔ o cakɛda ninnu kɔnɔ muso caman de bɛ baara kɛ. Bɛɛ b'a don ko nin den marayɔrɔ bɛ cakɛda kɔnɔ an nafa ka bon musow ma, bawo u bɛna se k'u ka baara kɛ, ani ka sin di u denw ma fana. 

San ba kelen kɛmɛ kɔnɔntɔn ani bikɔnɔntɔn ni seegin de, diɲɛ tɔnba bolofara min ɲɛsinnen don kɛnɛyako ma, o ye latigɛ ta ka desaburukalo tile fɔlɔ kɛrɛnkɛrɛnnenya k'o kɛ sidabana kɛlɛli don ye.

San mugan ni duuru o kɔ, sidabana kɛlɛliko lahalaya jumɛn na, wa muso ka sidabana furakɛliko bɛ ɲɛ jumɛn na manden duguw  kɔnɔ nin wagati la ? 

Aw ka bi musow ka kɛnɛ jɛmukan bɛna kuma nin baabu in de kan. O kama jaabi bɛna di aw ma Tiémoko DIARRA n'a ka mɔgɔ welelenw bɛna masaala jɛmukan in kɔnɔ.

Ba walima fa ka se ka sira sɔrɔ sariya ɲɛkɔrɔ ka taama kɛ n'u denw ye walima ka se ka sɛbɛn dilan u denw ye n'u b'a fɛ.Sariya min b'a ko filɛ o tɛ kelen ye jamana bɛɛ la, Côte d'ivoire, Burkina denmasaya tilalen don, nka jamanaw fana bɛ yen mara bɛ cɛ dɔrɔn de bolo i n'a fɔ Sénégal, Mali.

Yasa ka yɛlɛman don kow la, jɛkulu "autorité parentale partagée" ye wulikajɔ kɛ mars kalo tile 9 Dakar yasa ka laɲini u ka marabagaw fɛ u ka du sariya sɛbɛn yɔrɔ dɔ ka fali. 

An lamɛn baga musow ni cɛw an ka foli bɛɛ aw kelen kelen na bɛɛ ye nin ye aw ka musow ka kɛnɛ sigini ye.  Farafinna du dɔw kɔnɔ,ni denmuso ye kɔnɔta kasɔrɔ a ma kɛ furu kɔnɔ a bɛ gwɛn ka bɔ so kɔnɔ.

Manden dugu caman kɔnɔ mpogotiginiw cama bɛna dugubaw la yasa kana sɔkɔnɔbaradenya ɲini. Tuman caman bɛnbaliya bɛ don baaratigiw nin sɔkɔnɔbarakɛdenw cɛ. Mun bɛ se ka kɛ ka dansigi o la. Tiemoko DIARRA ka laseli

An ni seliba tɔ ye tile damani dɔrɔn ye. Seli in bɛ matarafa jamana minnu kɔnɔ nin waati in na mɔgɔ caman bɛ labinna, muso dɔw bɛ fini san na, dɔw b’u kun digila, cɛw bɛ saga ɲinin na.

Ali ni seli ye ninsɔndiyalen ye, nka a ninsɔndiya tɛ sɔn ka kɛ cogoya kelen ye dɔw bolo sabula dɔw ye u yɛrɛ ka so, dɔw bɛna seli kɛ mɔgɔ folenw jigiyɔrɔla. Jatigɛwalekɛlɛ min bɛ  sahɛli jamana kɔnɔ nin waati in a o y’a to mɔgɔ miliyɔn caman ye u sigiyɔrɔ bila ka yɛlɛma fan wɛrɛ fɛ.

An bɛ kuma di musow ma, olu minnu ye u sigiyɔro bila ka sababu kɛ jatigewalekɛlɛ ye.  Yasa ka lo, nin seli ɲɛkɔrɔ in na u ka gɛlɛyaw ye jumɛn ye. An ka bi mɔgɔ weelew ye Hadja Diallo, ale bɛ bɔ Mali la kɛrɛnkɛrennenya la boni dugula, jatigɛwalekɛlɛ de y’a to a y’a sigiyɔrɔbila kana sigi Senou mɔgɔfɔlenw sigiyɔrɔ la

Dɔw b’a fɔ a ma ko limpin, dɔw ko musow ka suturanlan kalo labɔ waati walima kotɔn. Musow bɛ gɛlɛya caman sɔrɔ u ka kalolabɔ la. Baɲumankɛtɔn "paln internatioanle" y'a jira ko diɲɛ kɔnɔ muso nani kan kelen dɔrɔn de  bɛ se a yɛrɛ ta  kɔrɔ a ka kalo labɔ waati la.

Nin gɛlɛyaw bɛ musow kan kɔsɔbɛ ka sababu kɛ suturanlanw sɔrɔli gɛlɛya ye ka fara a sɔngɔn kan. Ɲinigali bɛ yɔrɔmina o ye munna musow bɛ fin minnu te k’u mako ɲɛ o ka kalo labɔ waati la u tɛ ka se ka sɔro nɔgɔyala, mun de kan ka kɛ ka musow lagafiya.

San 10 laban ninnu na, jatɛminenw b'a jira ko bangekɔlɔsi fɛɛrɛw matarafali musow fɛ, minnu si b'a ta 15 kata 49 na, n’u olu bɛ farafinna tile binyanfa fɛ bɔra kɛmɛ sara la worola murumuru saba (6,3), ka taa tan ani sabala murumuru kɔnɔntɔn la (13.9).

Wa hali nin ka sɔrɔ o sigiyɔrɔma siɲɛ fila, o jatɛminenkɛlenw b'a jira halisa ko farafinna tilebinyanfa jamanaw bɛ kɔ, ka sanga nin farafinna jamana wɛrɛw ye.

Nka nin waati in na bangekɔlɔsi fɛɛrɛw matarafali bɛ ta bolo jumenw de kan an ka manden duguw la kɛrɛnkɛrɛna togoda mosow fɛ ?

U bɛ gɛlɛyaw walima fana jumenw de sɔrɔ a kɛli la ?

"Salon de l’entreprenariat féminin", tun bɛ senna Dakar, Sénégal faaba la. 

O kɛnɛ sigila Dakar dugula, yɔrɔmin be weele ko place de souvenir africain Fann kiin na. 

Muso kɛyɛrɛye cɛkɛda tigiw bɔra Sénégali fan bɛɛ la kana u ka feerefinw lakodon. An lamenbaga musow ni cɛw aw ya famu aw ka bi jɛmukan ba kuma ka taa muso kɛnyɛrɛye cɛkɛda tigiw ka lɔgɔfiyɛn de kan.

Onu diɲɛ tɔnba ka bolofara min bɛ musow kunkan kow ɲɛnɛbɔ Onu femme, olu y'a jira ko san ba fila nin mugan nin kelen u y'a jira ko kɛmɛ sara muso biduuru nin nin kɔ de fagala u cɛw walima u sɔgɔmɔw fɛ. Muso faga a bɛ sɔrɔ mun de fɛ, a sababu bɛ se ka bɔ mun na.