Sakeliga is met verskeie hofsake aan die veg om munisipale verval te probeer omkeer. Hulle pak Eskom in die hof oor ongereguleerde lasvermindering wat ook betalende kragverbruikers benadeel. Voorts veg hulle vir die instel van betaalmeesters om sekere munisipale fondse te ‘omhein’ en dat die ouditeur-generaal die name van die korrupte en onbevoegde munisipale beamptes bekend moet maak.

Die konsepte van humantêre argitektuur en naas-stedelike ontwerp en beplanning vir plakkerskampe, kan vir die armste mense ’n menswaardige tuiste skep. Quntin Adams vertel meer hieroor. Ons stel ook vas hoekom lasvermindering-kragonderbrekings deur Eskom onwettig is.

Stel jou voor: Informele nedersettings, oftewel plakkerskampe, wat netjies uitgelê is met toeganklike paaie en strate, kleuterskole, gemeenskapsale en spaza-winkels op beplande plekke, en netjiese goed geventileerde supershacks wat nie deur water oorstroom word nie. Die eerste klein proeflopie in ’n probleem-plakkerskamp in Kaapstad wys dit is die wending wat kan waar word in dorpe en stede, en deel van die behuisingsprobleem in ons land kan help oplos.

Wat gebeur in ’n streek wat ernstig is oor landbouers en plaasmoorde? ’n Tiener van Montagu vertel van sy drome. En ons gesels oor die beste plante en bome vir jou streek.

Het jy geweet meer as 21 000 gevangenes wat op parool vrygelaat is, maak ’n gek van die land se paroolstelsel, want hulle paroolbeamptes het geen idee waar die geparooldes hulle bevind nie? Ons kyk na die Wes-Kaap se LEAP-polisiemag, die gapings in die SA Polisiediens, parool en borgtog.

In die Wes-Kaap het die opleiding en ontplooiing van LEAP-offisiere, wat eintlik beskryf kan word as ‘n plaaslike basiese polisiemag, reeds gelei tot ’n daling in moorde in probleemgebiede soos Nyanga, Mitchell’s Plain, Delft, Kraaifontein en Khayelitsha. Die LEAP-program word ook ingestel in ander gebiede in die provinsie. Hoe werk die program? Is dit dalk die antwoord om misdaad in jou streek te bekamp?

Het jy geweet Robertson het ’n vliegveld waar Boeings kan land? Dís een die interessanthede van die Langeberg-streek. Marí Hudson vind meer uit oor die goeie dinge en die uitdagings van die mooi Montagu-Bonnievale-Ashton-McGregor-Robertson gebied. Beurtkrag en die instroming van buitelandse mense en die druk op die infrastruktuur is twee van die grootste uitdagings.

Marí Hudson kuier op Montagu, die mooi en netjiese dorp in die Langeberg-streek. Wat doen die mense in dié dorp reg, en hoe takel hulle probleme en kwessies? Sy gesels met twee inwoners wat dinge laat gebeur.

Met die COP27 beraad wat tans in Egipte gehou word, kyk ons na die stand van sonenergie-opwekking. Sonnige Suid-Afrika is ver agter hiermee, nie net wat groot sonplase betref nie, maar ook wat sonpaneeltegnologie vir huise en vir groot sonplaasaanlegte betref. As Suid-Afrika nie baie vinnig wakker skrik en onmiddellik begin met onderhandelings om nuwe-tegnologie sonpanele te vervaardig en megasonplase met dié nuwe-tegnologie sonpanele te bou nie, is die ekonomiese implikasies ontstellend groot.

Kragvoorsiening in Suid-Afrika móét verander. Sonplase moet opgerig word, maar wat moet die regering en besluitnemers weet van sonplase en sonenergie?  Suid-Afrika sal nié ekonomies kompeterend kan wees as ons nie die jongste tegnologie sonpanele inspan nie. ’n Internasionale kenner vertel meer.