បើតាមការសិក្សា​របស់​អ្នក​ស្រាវជ្រាវ​វេជ្ជសាស្ត្រ​អេស្ប៉ាញ​ ចេញផ្សាយក្នុងទំព័រ​ទស្សនាវដ្តីសុខភាព Journal of Clinical Endocrinology & Metabolism នៅថ្ងៃទី ៣០​តុលា២០២០ អ្នកជំងឺកូវីដ១៩ ច្រើន​តែ​ជា​អ្នកមាន​កង្វះ​វីតាមីនដេ។ ហើយ​ការ​ខ្វះ​​វីតាមីន​ដេ ទំនង​ជា​បង្កើន​គ្រោះ​ធ្លាក់​ខ្លួន​ឈឺ កូវីដ១៩ ធ្ងន់ធ្ងរ ទៀតផង។ ការសិក្សាក្នុង​ទ្រង់ទ្រាយធំ ស្តី​អំពី​ឥទ្ធិពល​របស់​វីតាមីនដេ ចំពោះ​ជំងឺ​កូវីដ​១៩​កំពុង​ចាប់​ផ្តើម។ ក្នុង​ពេល​រង់ចាំ​លទ្ធផលថា​តើ​វីតាមីនដេ អាច​ដើរតួនាទី​ជា​អ្នកការពារ​​ជំងឺកូវីដ១៩​បាន​យ៉ាងណា​នោះ អៀង សុខម៉ិញ សូម​ធ្វើ​អត្ថាធិប្បាយជូន​លោកអ្នក​នាង​ថា តើ​អ្វី​ទៅ​ជា​ ​វីតាមីនដេ ? វីតាមីនដេ មាន​តូនាទី​យ៉ាងណាខ្លះ ? តើ​អ្វី​ជា​ប្រភព​ផ្តល់​វីតាមីដេ ? កង្វះ​វីតាមីនដេ អាច​បង្ក​ផលវិបាកយ៉ាង​ណា​ចំពោះ​សុខភាព​ទូទៅ ?