កាលពីចុងខែឧសភា ចិនបាន​ បង្ហាញនាវាប្រភេទថ្មីមួយ គ្មានមនុស្សបើក សម្រាប់ផ្ទុកយានដ្រូន។ នាវាដែលត្រូវគេប្រសិទ្ធនាមថា Zhu Hai Yun  គឺជានាវាផ្ទុកដ្រូន​ មុនដំបូងគេក្នុងពិភពលោក ហើយដែលរដ្ឋាភិបាល​ចិន បាន​ប្រកាសបង្ហាញ យ៉ាងមានមោទនភាពបំផុត។ ជាផ្លូវការ នាវាផ្ទុកដ្រូនរបស់ចិននេះ គឺត្រូវបានស្ថាបនាឡើង ក្នុង​កម្មវត្ថុស្រាវជ្រាវវិទ្យាសាស្ត្រ នៅលើផ្ទៃទឹក​ និងនៅ​បាតសមុទ្រ។ ក៏ប៉ុន្តែយោងតាមអ្នកជំនាញបរទេសជាច្រើន បាន​លើកឡើងថា នាវាផ្ទុកដ្រូនដ៏ទំនើបរបស់ចិននេះ អាចជាឧបករណ៍​ប្រើប្រាស់ក្នុងវិស័យយោធា ដើម្បីអនុញ្ញាតឲ្យ​កងទ័ព​​ចិន អាចបើកប្រតិបត្តិការដ្រូន​នៅលើលំហរសមុទ្រ ដោយមិន​ចាំបាច់ប្រើនាវាចម្បាំង ឬក៏ទាហានជើងទឹក ទៅដល់​ទីតាំងផ្ទាល់។