ប្រឈមនឹងវិបត្តិសេដ្ឋកិច្ច នយោបាយ​ និងសង្គម​ កាន់តែតានតឹង ​នាយករដ្ឋមន្ត្រីបារាំង លោកស្រី អេលីហ្សាប៊ែត ប៊ន (Élisabeth Borne)  ប្រកាសពីវិធានការធំៗដើម្បីដោះស្រាយបញ្ហា​ ខណៈការតតាំងក្នុងសភានឹងជួប​ការលំបាក ដោយសាររដ្ឋាភិបាល មានសំឡេងភាគច្រើនស្តួចស្តើងបំផុត។ នៅ​​សប្តាហ៍​ខាងមុខ​នេះ រដូវ​វិស្សមកាល​ចប់​ហើយ សភានិងរដ្ឋាភិបាល​បារាំង​ ដល់ពេល​ចូល​កងធ្វើ​ការ​ឡើង​វិញ។ ពេល​នេះ គឺ​ប្រឈម​នឹង​សំណុំ​រឿង​ច្រើន​ណាស់​ដែល​ត្រូវ​ដោះស្រាយ  តួយ៉ាង​ វិបត្តិ​ប្រេង​សាំងនិង​ថាមពល រួម​ទាំង​ តម្លៃ​ទំនិញឡើងថ្លៃ ដែល​ដរចេញពី​សង្គ្រាម​អ៊ុយក្រែន ហើយ​និង ​បញ្ហា​អាកាសធាតុ។ លើសពីនេះ នៅមាន​បញ្ហា​ច្រើន​រយ​ជំពូកនៅក្នុងស្រុក​ទៀត។