Il tschiel è fascinant ed envida da siemiar. Franc ha l'in u l'auter sco uffant ina giada observà ils nivels e s'imaginà furmas ed animals ubain observà utschels che sgulavan sperasvi. Noss chors dechantan oz divers aspects dal tschiel.

Bain inqual poet u cumponista han guardà en tschiel e laschà inspirar per chanzuns e melodias. Uschia chantan noss chors en questa emissiun d'utschels, da naiv ubain plievgia che croda giu da tschiel ed era da las stailas che cuchegian la notg atras ils nivels. Tranter auter pudain tadlar «Nibels vargan» dal chor d'affons Vignogn, «Es het es Schneeli gschniiet» dal chor da donnas Vaz ubain era «Lom flad'il vent» dal cor viril Engiadina Bassa.

Audituras ed auditurs da RTR giavischan gugent chanzuns da «Noss Chors» per las Gratulaziuns ubain per il concert sin giavisch. En l'emissiun dad oz tadlain nus quellas ch'èn vegnidas giavischadas il pli savens.

Sco mintgonn faschain nus cun «Noss Chors» in sguard enavos sin l'onn passà. Tge chanzuns èn vegnidas giavischadas il pli savens per las Gratulaziuns ed il concert sin giavisch. Era quest onn han giubilaras e giubilars savì tadlar bain inqual favurit. Dentant datti il 2022 era novas entradas enfin bunamain sisum il podest.

Oz chantan «Noss Chors» da l'ambient e dad animals, dal guaud, pastgira u da noss culms e nossas valladas.

Animals, fluras, plantas e cuntradas natiralas èn anc da chattar dapertut en il Grischun. Quai ha inspirà poets e poetessas, scripturs e scripturas e cumponists e cumponistas. Perquai dechantan «Noss Chors» en quest'emissiun la bellezza da la natira.

Cun il december è arrivà la naiv e perquai derasan «Noss Chors» oz atmosfera d'enviern.

Ina duas giadas hai gia bischà – perquai derasan «Noss Chors» oz anc in pau dapli atmosfera d'enviern per l'endretga luna tar la stagiun alva e mainan vus per in mument en in mund plain naiv. Quai tranter auter cun chanzuns sco «Legra schlittada», «La neiv vign» ubain era «Ajo, co chi boffa».

Insaquantas chanzuns cun orchester, insaquantas senza ed in u l'auter hit da Nadal da solistas e solists dal chor da renum dal nord.

Il medem temp sco il radio svedais è il «Radiokören Sverige» vegnì fundà. Quai è ussa bun 100 onns enavos. In lung temp, durant il qual il chor e l'orchester han sviluppà in vast repertori varià. Diversas chanzuns selecziunadas da 300 onns tradiziun chorala svedaisa èn medemamain d'udir durant quest concert – sco era chanzuns modernas e classichers da Nadal. Il chor vegn accumpagnà da l'orchester sinfonic svedais – in orchester da renum mundial.

Mirabile Mysterium – sut quest titel ha il Sächsisches Vocalensemble realisà in portatun cun chanzuns per il temp avant Nadal. L'emissiun porta chorals vegls e chorals contemporans en lingua tudestga, latina dentant er englaisa. 

Il Sächsisches Vocalensemble è vegnì fundà il 1996 da Matthias Jung che diregia anc oz la furmaziun che ha reputaziun internaziunala.

Ils 6 da december è il di da Sontgaclau, bain cler che quai buntadaivel um sontg dastga betg mancar en in'ura Noss chors. L'emissiun porta intginas chanzuns deditgadas a Sontgaclau dentant er ulteriuras chanzuns per il temp d'advent. 

Igl è ina vasta paletta da chanzuns rumantschas, tudestgas ed er singulas englaisas. Er las furmaziuns derivan betg mo dal Grischun mabain er da la Svizra, Germania ed er Engalterra.

Tar ils chors datti gronds hits. Dentant era chanzuns ch'ins auda betg uschè savens en il radio. Quellas survegnan oz ina tribuna en «Noss Chors».

En l'archiv dad RTR sa chattan pliras milli chanzuns da chors. Da quellas dals onns 50 fin actualas da las ultimas festas da chant. I dat chanzuns che tematiseschan la natira, la notg e las stailas. Chanzuns en diversas linguas e chanzuns da differentas furmaziuns. En l'emissiun dad oz chantan «Noss Chors» per ina giada chanzuns che n'èn betg vegnidas emessas uschè savens.

Sa calmar, vegnir a ruaus e giudair bellas chanzuns rumantschas. Quai è la finamira da l'ura Noss chors. Ella sa deditgescha a chant ruassaivel, magari in zic meditativ, magari era sacral. Chanzuns adattadas per chattar in mument il ruaus giavischà avant il temp d'advent.

La saira è tar ils blers la lavur vargada, ins ha temp da star patgific e giudair la cumpagnia dals chars u po sa deditgar ad in hobi. «Noss Chors» chantan perquai oz da la saira, da la notg e las stailas.

Pli manaivel che l'enviern vegn e pli baud ch'i vegn stgir la saira. Las chasas èn illuminadas e la glieud è endadens e giauda il chaud. Mo pli paucs èn sin via per contemplar il lieu transfurmà entras l'atmosfera da la saira. Da quell'atmosfera chantan oz «Noss Chors».