2013 han dus ensembles da chant dal Grischun concertau a Turitg/Wollishofen. Per cumpensar in zichel quai temp senza concerts e festas da chant en natira, emetta RTR en lemissiun NOSS CHORS ina seria da concerts ord noss archiv. Oz la quarta part. E qua chantan dus ensembles da renum dal Grischun: Cantus firmus surselva (dir. Clau Scherrer) ed Incantanti (dir. Christian Klucker). «imagiNaziuns» – quai è stà il tema dal concert cun sia filosofia: ir a l'ester per savair appreziar l'agen!

Dals 23 da zercladur 2013 datescha nossa registraziun fatga a Turitg/Wollishofen en la baselgia da s. Francestg. Sil program chanzuns da: Tumasch e Benedetg Dolf, Giusep Maissen, Gion Antoni Derungs, Gion Balzer Casanova ed ovras estras dad Ivo Antognini, Pierre Kaelin, Camille Saint-Saens, Billy Joel, Mia Makaroff, György Orban ed Eric Whitacre.

La primavaira 2016 ha Rainer Held dà ses emprim concert cun il Chor viril da Surses Per cumpensar in zichel quai temp senza concerts e festas da chant en natira, emetta RTR en lemissiun NOSS CHORS ina seria da concerts ord noss archiv. Sco terz udin nus il valent Chor viril da Surses. «Chants dal nord e chanzuns indigenas» – uschia ha Rainer Held tematisà ses emprim program da concert cun il Chor viril da Surses. Cooperà han lezza giada Robert Koller, il baritonist da Basel e la pianista dal Giapun Saori Tomidokoro. Dals 27 da mars 2016 datescha nossa registraziun fatga a Savognin en sala Grava. Sil program ovras da: Jakov Gotovac, Edvard Grieg, Jean Sibelius, Antonin Dvorak, Hans Erni, Tumasch Dolf, Eduard Lombriser e Gion Giusep Derungs.

La primavaira 2015 ha Christoph Cajöri dà ses terz concert cun la Ligia Grischa. Per cumpensar in zichel quai temp senza concerts e festas da chant en natira, emetta RTR en l'emissiun NOSS CHORS ina seria da concerts ord noss archiv. Sco secund chor udin nus la Ligia Grischa. «Canti degli alpini» – quai è stà il tema dal concert 2015 da la Ligia Grischa cun ses dirigent Christoph Cajöri. Cooperà ha lorganista Patricia Ott.

Dals 31 da matg 2015 datescha nossa registraziun fatga a Glion en la baselgia catolica. Sin il program chanzuns da: Joseph Bovet, Paul Miche, Tumasch e Benedetg Dolf, Gion Antoni Derungs e Hans Lavater. Ed allura chants tradiziunals talians arranschads per chor viril a capella da Silvio Deflorian e dal pianist da renum mundial Arturo Benedetti Michelangeli. L'organista suna duas Toccatas da pader Otto Rehm e dad Eugène Gigout.

La primavaira 2015 ha Clau Scherrer dirigì ses ultim concert dal Chor viril dalla Lumnezia. Per cumpensar in zichel quel temp senza concerts e festas da chant en natira, emetta RTR en l'emissiun Noss chors ina seria da concerts ord noss archiv. L'entschatta dat il valent Chor viril dalla Lumnezia. «Laud ed engraziament» – quai è stà il motto dal 11avel e davos concert dirigì da Clau Scherrer. Cooperà han lezza giada l'ensemble deCanto (dir. Retus Giger) ed il pianist Gieri Maissen. Dals 9 da matg 2015 datescha nossa registraziun fatga a Trun en la baselgia da s. Martin. Sin il program ina giada chanzuns indigenas da: Tumasch e Benedetg Dolf, Gion Antoni Derungs, Duri Sialm ed Edaurd Lombriser. E lura chanzuns estras da: Wilhelm Peterson-Berger, Franz Hegar, Hans Lavater, Franz Schubert, Felix Mendelssohn-Bartholdy, Albert de Klerk e Gabriel Fauré.

Redacziun: Giusep G. Decurtins

Il mument è tut in pau sco schelà. Bleras stizuns èn serradas, sentupadas èn stritgadas ed era las emprovas da chors n'han betg lieu. Sis chors raquintan co la situaziun actuala pertutga els. Il mument saja quai simplamain ina gronda pausa ed i saja da far lavurs d'administraziun. Quai din commembras e commembers da differents chors tar la situaziun actuala dal coronavirus. Las emprovas n'han betg lieu ed era concerts u excursiuns èn stritgadas. En l'emissiun dad oz raquintan commembras e commembers da sis chors co els van enturn cun questa situaziun.

Redacziun: Dominic Pohle

Durant l'avrigl poi dar dal tut. Plievgia, sulegl u schizunt anc ina giada naiv. «Noss Chors» han per mintga eventualitad la dretga chanzun. L'avrigl fa tge chel vul è ina veglia locuziun per quest mais. In'emna èsi anc chaud e bel e tuttenina vegni brut e fraid e dat tranteren schizunt anc naiv. Uschè variant èn dentant era las chanzuns da «Noss Chors» uschia chantan els dal sulegl, dal vent mabain era da la malaura e plievgia.

Ils 15 d'avrigl sa professer Gion Giusep Derungs festivar ses 88avel anniversari. Cun numerusas cumposiziuns, dentant era sco dirigent ed expert ha Gion Giusep Derungs marcà sensiblamain il chant da chors en il Grischun ed era sur ils cunfins dal chantun. Per ses 88avel anniversari porta l'emissiun Noss chors in omagi al giubilar lumnezian cun laschar chantar ils chors virils: Surses, Lumnezia, Ligia Grischa e Breil ed il maschadads: Surmeir, Rudè da chant Engiadina, Suraua, Stierva ed il Vokalensemble Schams, Heinzenberg, Domleschg. Ils intermezzis vegnan dads dal Rätisches Streichquartett.

Ils 15 d'avrigl sa professer Gion Giusep Derungs festivar ses 88avel anniversari.  Divers chors rumantschs portan omagi ad in dals impurtants cumponists e dirigents rumantschs insumma. Professer Gion Giusep Derungs, naschì ils 15 d'avrigl 1932 a Surcasti (Lumnezia-sut), è stà, suenter ses studis da musica a Basilea, dals 1964-97 magister a la Scola chantunala grischuna a Cuira. Cun numerusas cumposiziuns e sco dirigent ha Gion Giusep Derungs dà blers impuls al chant da chors en ed ordvart il Grischun. En duas emissiuns "Noss chors" porta RTR talas chanzuns ed era musica instrumentala dal giubilar. 

redacziun: Giusep G. Decurtins

Ils dis vegnan pli lungs, las temperaturas èn pli autas ed i flurescha dapertut, gea la primavaira è qua. In temp da ventira per blers. In temp da colurs, flurs e da la natira che sa dasda. Durant las spassegiadas audan ins las bellas melodias dals utschels ed oz quellas da «Noss Chors». Imnis a la primavaira ed a las flurs.

Per chantaduras e chantadurs è la cumpagnia almain uschè impurtanta sco il chant. Perquai datti era in vast repertori da chanzuns da cumpagnia. Actualmain n'èsi betg pussaivel da chantar da cumpagnia saja quai en l'ustaria u durant l'emprova da chant. Il coronavirus impedescha quels bels muments. Perquai purschain nus en quest'emissiun da «Noss chors» la pussaivladad d'emprender novas chanzuns e da tadlar co quai tuna sche chors chantan chanzuns da cumpagnia.