Ils dis daventan plaunet pli fraids ed igl è temp da sa vestgir in pau pli chaud. Era la musica po far chaud – almain al cor. Perquai dechantan «Noss Chors» oz l'amur ed il desideri. Oz chantan «Noss Chors» chanzuns d'amur per stgaudar il cor. Cun «Ina gad er'ina matta» chantà dal chor viril Ligia Grischa u «Amur amur» dà dal chor viril da Domat duai in pau chalira vegnir tar Vus en stiva. Pia prendai plaz avant il fieu en il chamin e sa lubi ina buna tschigulatta chauda durant quest'emissiun.

Sche la notg e la stgiradetgna arriva derasa ella savens era ina tscherta melanconia. La notg ha dentant era sias varts bellas. I dat blers che na han betg gugent la notg ed il stgir. Da mesanotg saia l'ura dals spierts ed ins na sappia betg esser segirs tge che sa zuppa ella stgiradetgna. La notg ha dentant era sias varts bellas. Las stailas e la glina che traglischan giu da tschiel. Stailas crudantas che cruschan la via ed adempleschan giavischs. Ni era poesias e chanzuns che descrivan la bellezza da la notg sco en quest'emissiun da «Noss Chors».

Il temp da racolta, il temp da la feglia da tuttas colurs ed in temp che ha inspirà poets e cumponists tar diversas poesias e melodias. «Il Badugn», «Aton sot la plievgia» u «Scuder scudagn nous» èn be paucs exempels d'ina retscha vasta da chanzuns deditgadas a l'atun. Insaquantas da quellas dechantan «Noss Chors» en quest'emissiun.

Per blers èn ils culms e las alps nossa patria. Perquai dechantan «Noss Chors» las alps e muntognas dal Grischun. Tge dat igl pli bel tge dad ir a culm da bell'aura? La stad san ins ir a viagiar e mitschar uschia da la chalira en la citad. E l'enviern è per blers nagin endretg enviern senza savair ir cun skis. Ma u stad ubain enviern il panorama si en ils auts è bellezza e perquai dechantan «Noss Chors» en quest'emissiun da culms e muntognas.

Redacziun: Dominic Pohle

Oz na chantan «Noss Chors» betg chanzuns rumantschas, mabain chanzuns en linguas estras. Il pli savens chantan «Noss Chors» chanzuns rumantschas u tudestgas da la regiun. Oz giain nus en pajais pli lontans e tadlain tranter auter chanzuns per englais, african e norvegiais. E natiralmain chantan «Noss Chors» era chanzuns en las trais linguas naziunalas sper il rumantsch.

Gia vess spetgan ils chatschaders sin l'entschatta settember e cun quai sin lur pli bel temp da l'onn. Noss chors chantan oz da la chatscha, dals chatschaders e las chatschadras. Per tscherts è il pli bel temp da l'onn durant tschaiver. Auters sa legran dentant gia l'entir onn sin l'entschatta settember cura che la chatscha cumenza. Ed era Noss chors dechantan la chatscha ed ils bels muments en la natira.

Oz chantan «Noss Chors» da l'ambient e d'animals ch'èn en il guaud, sin la pastgira u che sgolan sur nossas valladas. Animals, fluras, plantas e cuntradas natiralas èn anc da chattar dapertut en il Grischun. Perquai dechantan «Noss Chors» en quest'emissiun la bellezza da la natira.

Aua è l'element che dat vita, ella emplaina dutgs, flums, lais e mars. Ed ella vegn era avant en bleras chanzuns da «Noss Chors». Savens èn vitgs e citads datiers d'auas. Uschia che blers chors dechantan lur flum u lai sco per exempel il cor maschadà Strada-Martina che chanta da «l'En» u il chor viril da Trun cun «Laud al Rein». Perquai sa deditgeschan «Noss Chors» a l'element aua en quest'emissiun.

En ed enturn il Grischun hai blers chors d'uffants e giuvenils. Perquai è l'emissiun da «Noss chors» deditgada a las chantaduras ed ils chantadurs giuvens. Sche uffants e giuvenils chantan è quai insatge tut aparti. En quest'emissiun dattan vuschs giuvnas dal Grischun, da la Svizra ed er d'auters pajas insaquantas chanzuns en differentas linguas. Chanzuns rumantschas sco per exempel «Allas Steilas», la franzosa «Prière de Veronique» u per ollandais «Komt vrieden in het ronde».

Tge è pli bel che da turnar a chasa suenter las vacanzas u era gia la saira suenter la lavur? Noss chors chantan oz da lur patria e lur lieus preferids. U ch'igl è lur vitg, sco las soras Scherrer chantan a l'entschatta da l'emissiun, ubain ina regiun sco quai ch'igl è d'udir en il «Imni a Surmeir» dà dal chor Davos Fallung ubain in plaz spezial. Mintgin ha in lieu, nua ch'el returna gugent e nua ch'el sa senta da chasa. Quai sentiment ha inspirà insaquants cumponists e poets da scriver chanzuns. Ina schelta da quellas pudain nus tadlar en l'emissiun Noss chors.