Nuuspod

Nuuspod

By Izak Du PlessisNewsNews Commentary
Download on the App Store

Nuuspod episodes

  • Tien moet-kyk-series vir lockdown

    Riaan Grobler, senior joernalis en subredakteur by News24, is 'n series-junkie. Maar meer as dit, hy verstaan die binnewerkinge van 'n goeie storie. Daar is dus niks wat hy nie weet van televisiereekse af nie. Hier is sy lys van tien reekse wat jy eenvoudig net moet kyk as jy met ander series-junkies wil saampraat. 

    7 min
  • So word rokers "onskuldig" deel van 'n lewensgevaarlike sigaretsmokkelnetwerk

    Vir die meeste rokers is hulle skelm sigaretaankope tydens inperking 'n onskuldige bevrediging van hul onkeerbare lus vir nikotien. Die staat maak immers inbreuk op hul grondwetlike reg om lewenskeuses uit te oefen, nadat sigaretverkope tydens die staat van inperking verbied is. Maar daar sit baie meer agter daardie onskuldige "carton" waarvoor jy meer as dubbel die prys betaal, sê die skrywer van die boek Tobacco Wars, Johann van Loggerenberg. Van Loggerenberg, voorheen van die Suid-Afrikaanse Inkomstediens se eenheid wat sigaretsmokkelaars die stryd aangesê het, sê die oorsprong van rokers skelm sigarette is 'n georganiseerde misdaadnetwerk wat enigiets sal doen om hul produkte te verkoop. En nou is elf miljoen "onskuldige" mense as't ware deel van daardie misdaadnetwerk, en geen verskoning gaan jou verontskuldig nie. 

    27 min
  • Dana Trump?
    Die Amerikaanse president, Donald Trump, ontlok allerweë heftige reaksie waar jy ook gaan. As jy nie vir Trump is nie, is jy teen hom, maar niemand staan apaties nie, selfs nie Dana Snyman nie. Luister hier as jy wil weet waar staan Dana oor Trump.
    10 min
  • So maak jy met jou huishulp as jy nie kan betaal nie.
    Talle werkgewers is onseker oor wat hulle te doen staan met huishulpe en tuiniers in die lig van die staat van inperking. Sommige mense wat nie meer 'n inkomste het nie, kan byvoorbeeld nie die morele verpligting om te betaal nakom nie. Daar is ook ander vrae oor verlof en werkloosheidsversekering. Nuuspod het met Johan Botes hieroor gepraat. Hy is die hoof van arbeidsreg by Baker McKenzie SA in Johannesburg.
    11 min
  • Nuus oor skole se heropening kom
    Ouers en ander belanghebbendes moet geduldig wees oor nuus vir skole se heropening. Jaco Deacon van Fedsas sê die dept van onderwys en min Angie Motshekga werk hard aan 'n plan saam met belangegroepe. Ouers moet intussen nie drognuus help rondstuur nie.
    4 min
  • Dana se Coronavirus-droom
    Regoor die wêreld getuig mense van die vreemdste drome tydens die staat van inperking. National Geographic berig selfs hoe mense die drome in die fynste besonderhede onthou, anders as meeste ander drome. Luister hier na Dana Snyman se Coronavirus-droom. Foto: National Geographic.
    8 min
  • Juffrou Mamma en Meneer Pappa: tuisonderrig tydens lockdown
    As jy 'n ouer is wat in die tyd jou kinders skoolfiks moet hou, is hierdie episode van Nuuspod net vir jou. Nuuspod het met verskeie kundiges oor tuisonderrig gepraat om vir jou praktiese raad te gee oor hoe om nie die verhouding tussen jou en jou kind vir ewig te vernietig nie. Dr Carla Bezuidenhout is 'n opvoedkundige sielkundige by Laerskool Louw Geldenhuys in Johannesburg. Sy gee eenvoudige praktiese wenke vir tuisonderrig tydens die inperking. Sy bespreek ook praktiese wenke om die verhouding tussen kinders en ouers in die tyd gesond te hou. Hantie Wiesner, 'n onderwyseres by Middelburg Tegnies verduidelik hoe sy haar kinders op datum hou deur verskillende mediums. Luzaan Beer, 'n musiekonderwyseres by Constantia Waldorf in Kaapstad gesels in dieselfde trant saam. Louise Symington van Williston is gewoond aan tuisonderrig en sy gee raad hoe ouers en kinders hulle dag kan indeel om dit reg te kry.
    26 min
  • Hoe gemaak met skole?
    Skole gaan glo die laaste wees om weer oop te maak na die staat van inperking, sê die minister van onderwys. Intussen skarrel skole en ouers om hul kinders aan die leer te hou. Hoewel baie kinders dit aanlyn doen, is daar talle wat nie toegang tot die internet het nie. Hoe gemaak met hulle, het Nuuspod aan Paul Colditz van Fedsas gevra.
    6 min
  • SA skeepsdokter op Zaandam
    Die SA dokter Corné Mocke, wat tans op die Nederlandse skip Zaandam diens doen, kom dalk eers oor 'n maand huis toe. Dit volg na hy aanboord geneem is om siek passasiers met Covid19 te verpleeg. Die passasiers is intussen al aan land. Die skip met sy bemanning vaar nou in internasionale water tot daar duidelikheid is hoe hulle huis toe kan gaan. Nuuspod het met Mocke se pa, Johan, gepraat.
    11 min

About Nuuspod

From the publisher's feed

Die tuiste van Afrikaanse stories agter die nuus.