Prófessor í stjórnmálafræði á ekki von á að sú óeining sem komin er upp innan ríkisstjórnarflokkanna í afstöðu til brottvísana flóttafólks málið sprengi stjórnina. Þó undirstriki það hversu mikill munur sé á stefnu flokkanna.

Íslendingur sem býr í Texas á ekki von á að afstaða almennings til byssueignar breytist þrátt fyrir enn eina mannskæðu skotárásina í ríkinu í gær.

Fyrsti formlegi fundur fulltrúa framsóknarflokks, pírata, samfylkingar og viðreisnar um myndun meirihluta í borgarstjórn fór fram í dag. Oddviti framsóknar segir lítið hafi verið snert á málefnum.

Heimastjórnir fá aukið hlutverk í Múlaþingi á komandi kjörtímabili samkvæmt málefnasamningi meirihlutans sem undirritaður var í gær.

Lyfjarisinn Pfizer býðst til að selja fátækustu þjóðum heims einkaleyfislyf á kostnaðarverði. Áætlað er að yfir einn milljarður jarðarbúa njóti góðs af átakinu.

Margboðuð skýrsla um brot á Covid reglum í breska forsætisráðuneytinu kom út í dag. Í henni segir að ekkert geti afsakað það sem þar fór fram, embættismönnum beri að axla ábyrgð á framferðinu.