យោងតាម​ការព្យាករណ៍ របស់ស្ថាប័នហិរញ្ញវត្ថុអន្តរជាតិ ឆ្នាំ​២០២៣នេះ សេដ្ឋកិច្ចសកលលោកយើង នឹងមានកំណើនទាបបំផុត។ កំណើនសេដ្ឋកិច្ចទន់ខ្សោយ នឹងធ្វើ​ឲ្យ​ចំនួន​ការងារនៅទូទាំងពិភពលោក ត្រូវចុះថយ ដែលមានន័យថា វានឹងបង្ខំឲ្យ​មនុស្ស ត្រូវតែបង្ខំចិត្ត ទទួលយកនូវការងារគ្រប់ជំពូក ទោះជាលំបាកខ្លាំង ឬមិន​ត្រូវជំនាញជាដើម។ នេះគឺជាការលើកឡើង នៅក្នុងរបាយការណ៍ របស់អង្គការពលកម្មអន្តរជាតិ ដែលទើបតែបានចេញផ្សាយ​ នៅថ្ងៃចន្ទទី​១៦មករា។