Talið var að 25 hefðu verið í íshellaskoðun á Breiðamerkurjökli þegar ishrun varð. Bandarískt par varð undir ísnum, karlinn lést og konan slasaðist illa en er ekki í lífshættu. Búið var að gera grein fyrir 23 í gær og var leit því haldið áfram en í dag kom í ljós að það voru 23 í ferðinni ekki 25. Lögreglan segir að skráning og utanumhald hafi ekki verið nákvæmt og upplýsingar um fjölda misvísandi. Rætt við Jón Þór Víglundsson, upplýsingafulltrúa Landsbjargar og Vilhjálm Árnason varamann formanns stjórnar Vatnajökulsþjóðgarðs og formann Þingvallanefndar um hvernig öryggi ferðamanna verði helst tryggt.

Mikil þensla og kvikusöfnun við Öskju undanfarin þrjú ár eru skýr merki um að þar geti aftur farið að gjósa. Benedikt Ófeigsson, fagstjóri hjá Veðurstofunni segir hins vegar ómögulegt að segja til um hversu langt sé í slíkt gos. Visindamenn þekki þolmörk Öskju ekki vel því engar mælingar á landrisi séu til fyrr en eftir að síðast gaus í Öskju. Hann á þó ekki von á stórum atburðum þarna í bráð.