នៅ​ក្នុង​ប្រទេស​ប៉ាគីស្ថាន រដ្ឋអំណាច​កំពុង​បន្ត​ខ្នះខ្នែង​យ៉ាង​សកម្ម​ដើម្បី​ជួយ​មនុស្ស​ដែល​កំពុង​រងគ្រោះ​ដោយ​ជំនន់​បង្ក​ពី​ទឹកភ្លៀង​ក្នុង​រដូវ​មូសុង​តាំង​ពី ៣ខែ​កន្លង​ទៅ។ គិត​ត្រឹម​ថ្ងៃ​អង្គារ ទី៣០ សីហា ទឹកជំនន់​មួយ​នេះ​បាន​សម្លាប់​មនុស្ស​ជាង ១ ១០០នាក់ មាន​មនុស្ស​ជាង ៣៣លាននាក់​បាន​រងគ្រោះ និង​មាន​ផ្ទៃដី​មួយ​ភាគ​បី​កំពុង​លិច​ទឹក។ នេះ​ជា​គ្រោះទឹកជំនន់​ដ៏​ធ្ងន់ធ្ងរ និង​ដ៏​អាក្រក់​មួយ​ដែល​ប៉ាគីស្ថាន​មិន​ធ្លាប់​ជួប​ប្រទះ​ទេ គិត​តាំង​ពី ៣០ឆ្នាំ​កន្លង​ទៅ។