នៅ​ថ្ងៃ​អាទិត្យ ទី៦ កុម្ភៈ ក្រុមប្រឹក្សា​កណ្តាល​នៃ​អង្គការ​រំដោះ​ប៉ាឡេស្ទីន​ហៅ​កាត់ « អូអិលប៉េ » (OLP) បាន​បើក​កិច្ចប្រជុំ​ដ៏​កម្រ​មួយ។ នៅ​ក្នុង​ឱកាស​កិច្ចប្រជុំ​ដ៏​កម្រ​នេះ ប្រធាន​រដ្ឋអំណាច​ប៉ាឡេស្ទីន​លោក​ម៉ាមូដ អាបាស់​បាន​ឆ្លៀត​អំពាវនាវ​ឲ្យ​មាន​កំណែទម្រង់​លើ​ស្ថាប័ន OLP និង​បិទបញ្ចប់​ការ​បែកបាក់​ផ្ទៃក្នុង​រវាង​ប៉ាឡេស្ទីន និង​ប៉ាឡេស្ទីន។ ហេតុអ្វី​បាន​ជា​មាន​ការ​អំពាវនាវ​របៀប​នេះ និង​ថា តើ​គេ​អាច​បង្រួបបង្រួម​ភាព​ប្រេះឆា​ផ្ទៃក្នុង​រវាង​ប៉ាឡេស្ទីន និង​ប៉ាឡេស្ទីន​បាន​ដែរ ឬ​ទេ?។