ទំនាក់ទំនងរវាង​កំពូល​មហាអំណាច​ពិភពលោកទាំង​ពីរ បាន​​​ឡើង​តាន​តឹង​កាន់​តែ​ខ្លាំងជា​ថ្មី។ ក្រោយ​វត្តមានបាឡុងចារកម្មចិន​ក្នុង​ទឹក​ដែនអាកាសអាមេរិក គេ​ឃើញ​មាន​បាឡុង “ចារកិច្ច​ចិន”​ មួយ​ទៀត កំពុង​ហោះ​លើ​ដែន​អាកាស​អាមេរិក​ឡាទីន។ ប្រឈម​នឹង​ស្ថានការណ៍​បែប​នេះ លោក​ប្រមុខ​ការទូត​​អាមេរិក​អង់តូនី ប្លីងកិន បានសម្រេច​​លុប​ចោល​ទស្សនកិច្ច​នៅ​ប៉េកាំង​ដែល​គ្រោង​ធ្វើ​នៅថ្ងៃអាទិត្យ​ទី ៥​និង​៦​កុម្ភៈ២០២៣។ ជាមួយ​នឹង​ការ​ទទួល​ស្គាល់​​ថា បាឡុង​ដែល​ជា​ប៉េងប៉ោង​​ស្រាវជ្រាវ​ស៊ីវិល​ បាន​​ហោះអណ្តែត​ចូល​ដី​អាមេរិក​ដោយ​អចេតនា ប៉េកាំង​បាន​ចោទ​ប្រព័​ន្ធផ្សព្វផ្សាយអាមេរិក​ថា​ព្យាយាម​មួយបង្កាច់​ចិន។